Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
217 anëtarë të kartelit "Clan del Golfo" të arrestuar që nga 15 prilli në Kolumbi, nga operacionet humbën jetën 16 efektivë policie dhe 5 ushtarë, sekuestrohen 6.8 ton drogë
n.fPërditësimi i fundit 6 Maj 2025, 09:38
KOLUMBI- Autoritetet kolumbiane njoftuan të hënën arrestimin e më shumë se 200 anëtarëve të Clan del Golfo, kartelit më të madh të drogës në vendin e Amerikës Latine, ndërsa Bogota akuzon organizatën për dhjetëra vrasje të synuara të anëtarëve të forcave të sigurisë kohët e fundit.
Në fund të prillit, Presidenti Gustavo Petro denoncoi strategjinë e "vrasjeve sistematike" të anëtarëve të forcave të sigurisë në vend, i cili po përjeton shpërthimin më të keq të dhunës në dekadën e fundit.
Ai akuzoi Klanin del Golfo për zbatimin e asaj që e quajti një "plan pistolete", i modeluar sipas bosit të drogës Pablo Escobar në vitet 1990 - duke ofruar një shpërblim për çdo person të uniformuar të vrarë në luftën e tij të hapur me shtetin.
Admirali Francisco Cuvides, kreu i forcave të armatosura, gjatë një konference për shtyp konfirmoi se 217 anëtarë të kësaj organizate të armatosur janë arrestuar që nga 15 prilli. Zyrtari i lartë shtoi se pesëmbëdhjetë anëtarë të bandës së trafikimit të drogës u vranë në operacionet e forcave të sigurisë, ndërsa u sekuestruan 6.8 ton drogë, rreth njëqind armë dhe 15,000 fishekë dhe lloje të tjera municionesh.
Sulmet nga Clan del Golfo kanë marrë jetën e 16 oficerëve të policisë dhe 5 ushtarëve që nga mesi i prillit. Organizata përshkruhet si karteli më i fuqishëm në vend me prodhimin më të madh të kokainës në botë, Clan del Golfo, i njohur edhe me emra të tjerë, si Autodefensas Gaitanistas de Colombia (AGC) dhe ka mbi 7,500 anëtarë.
