Moti do të jetë i qëndrueshëm gjatë ditës së sotme, ndërsa temperaturat pritet të shkojnë deri në 31&de...
BOTA
27 anije sulmohen që nga fundi i shkurtit/ Komuniteti detar global paralajmëron rrezikun e shtuar në Ngushticën e Hormuzit
PiranjatPërditësimi i fundit 23 Mars 2026, 08:40
Siguria detare në Ngushtica e Hormuzit është në nivel kritik, me rrezikun e vlerësuar maksimal 5 nga 5, duke bërë që një incident i rëndë të konsiderohet shumë i mundshëm.
Gjiri Persik dhe Gjiri i Omanit gjithashtu mbeten zona me rrezik shumë të lartë, duke shqetësuar komunitetin ndërkombëtar të transportit detar.
Autoritetet këshillojnë kompanitë detare të shtyjnë kalimet përmes ngushticës dhe të shmangin porte kritike, përfshirë Fujairah Port në Emiratet e Bashkuara Arabe, portet në Bahrein dhe Katar, Port of Salalah në Oman dhe terminalin e naftës në Basra, Irak.
Porte të tjera si Khor Fakkan, Jebel Ali, Sharjah dhe Qalhat kërkojnë kujdes të shtuar dhe rishqyrtim të planeve të ankorimit.
Megjithëse disa porte funksionojnë pjesërisht, si Ras Laffan në Katar, prodhimi i gazit natyror të lëngshëm nga QatarEnergy është pezulluar, duke ndikuar në zinxhirët globalë të furnizimit me energji.
Situata mbetet e rrezikshme, pasi që nga fundi i shkurtit të paktën 27 anije tregtare janë sulmuar ose kanë raportuar incidente në rajon.
Ekuipazhet këshillohen të kufizojnë ekspozimin në kuvertë, të jenë vigjilentë dhe të përgatitur për ndryshime të menjëhershme të kursit ose shpejtësisë.
Komuniteti global i transportit detar po monitoron nga afër zhvillimet në këtë rrugë kyçe për tregtinë botërore.
