Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Akuza për korrupsion, gjykata e Madridit thërret bashkëshorten e kryeministrit spanjoll Pedro Sanchez
E.DPërditësimi i fundit 4 Qershor 2024, 20:45
MADRIT- Një gjykatë e Madridit ka thirrur Begona Gomez, gruan e kryeministrit spanjoll, për tu paraqitur para një gjyqtari më 5 korrik mbi akuzat për korrupsion, të cilat nxitën kryeministrin Pedro Sanchez të konsideronte dorëheqjen në prill. Kërkesa u bë si pjesë e një hetimi paraprak nëse ajo kishte përdorur pozicionin e saj për të ndikuar në marrëdhëniet e biznesit, tha gjykata të martën.
Sanchez tha në fund të prillit se do të qëndronte në detyrë, pas një ndërprerjeje prej pesë ditësh nga detyra për të menduar për dorëheqjen mes hetimit gjyqësor të gruas së tij, për të cilin ai tha se ishte i pabazë dhe i orkestruar nga kundërshtarët politikë të krahut të djathtë. Ndërsa opozita ka kërkuar në raste të ndryshme, dorëheqjen e Sanchez, i cili drejton qeverinë e koalicionit të pakicës së majtë të Spanjës.
"Dua t'ju them se vendimi im për të vazhduar udhëheqjen e qeverisë është më i vendosur se kurrë," shtoi Sanchez.
Çështja u ngrit në një ankesë private nga Manos Limpias, një grup aktivist kundër korrupsionit i udhëhequr nga Miguel Bernad, një avokat dhe politikan i cili ka qenë kandidat për një parti të ekstremit të djathtë në zgjedhjet evropiane. Manos Limpias pretendoi se Begona Gomez përdori ndikimin e saj si gruaja e kryeministrit për të siguruar sponsorë për një kurs masteri universitar që ajo drejtonte. Rasti ka shkaktuar edhe pasoja ndërkombëtare. Muajin e kaluar, Spanja tërhoqi ambasadorin e saj në Buenos Aires pasi presidenti i Argjentinës Javier Milei e quajti Gomezin ‘të korruptuar’ gjatë një mitingu të ekstremit të djathtë në Madrid.
