Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Akuzat e rënda ndaj Diddy, reagon e ëma e reperit: Djali im nuk është përbindëshi që e kanë pikturuar të jetë
r.llPërditësimi i fundit 7 Tetor 2024, 16:08
janice dhe sean combs
SHBA- Nëna e Sean "Diddy" Combs, në një deklaratë të fundit ka thënë se është e shkatërruar dhe thellësisht e pikëlluar nga akuzat e ngritura kundër djalit të saj, ndërsa shton se të gjitha janë gënjeshtra. Në një deklaratë, Janice Small Combs mbrojti djalin e saj, duke thënë se edhe pse ai kishte bërë gabime në të kaluarën, ai nuk është përbindëshi që ata e kanë pikturuar të jetë.
“Djali im nuk është përbindëshi që e kanë pikturuar të jetë, dhe ai meriton mundësinë për të treguar anën e tij. Mund të lutem vetëm që të jem gjallë që ta shoh atë të thotë të vërtetën e tij dhe të shfajësohet. Unë vij tek ju sot si një nënë e shkatërruar dhe thellësisht e pikëlluar nga akuzat e bëra kundër djalit tim, Sean Combs. Është zemërthyese të shoh djalin tim të gjykuar jo për të vërtetën, por për një tregim të krijuar nga gënjeshtra," tha Janice ndër të tjera në deklaratën e saj.
Deklarata e saj erdhi pesë ditë pasi u zbulua se Diddy mund të përballet me padi nga më shumë se 100 akuzues të tjerë, burra dhe gra, për sulme seksuale të dyshuara, përdhunime dhe shfrytëzim seksual. Avokati i yllit i ka mohuar këto dhe të gjitha akuzat e mëparshme, duke i quajtur ato të rreme.
Reperi i njohur për hitet si "I'll Be Missing You" i vitit 1997, u arrestua muajin e kaluar, pasi akuzohet për trafik seksual dhe shantazh. Ai aktualisht po mbahet në një qendër paraburgimi në Manhatan pasi iu mohua lirimi me kusht. Ai është përballur me një sërë rastesh që nga viti i kaluar, kur ish-partnerja e tij Cassie Ventura e akuzoi për përdhunim dhe abuzim. Reperi asokohet i mohoi akuzat dhe çështja u zgjidh jashtë gjykatës një ditë pasi u depozitua. Megjithatë, ai u padit më pas nga 12 gra të tjera, shumë prej të cilave e akuzuan reperin për drogë dhe sulm ndaj tyre. Agjentët federalë bastisën pronat e tij në mars, ndërsa autoritetet ngritën një çështje penale kundër reperit.
Combs do të dalë në gjykatë të mërkurën, më 9 tetor, kur avokatët e tij do të kërkojnë që ai të lirohet me kusht. Diddy-t më parë iu mohua lirimi me kusht pasi prokurorët argumentuan se ai përbënte një rrezik të rëndësishëm për gjyqin e ardhshëm. Ata i thanë një gjykatësi të Nju Jorkut se Combs tashmë ishte përpjekur të pengonte hetimin e qeverisë për këtë rast, duke kontaktuar vazhdimisht viktimat dhe dëshmitarët dhe duke iu thënë tregime të rreme të ngjarjeve.
