Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Arrestimi dhe deportimi i 5 kroatëve në Serbi, reagon Kroacia: Do informojmë BE dhe KE për veprimet e autoriteteve serbe që vendosin qytetarët tanë në pozitë poshtëruese
n.fPërditësimi i fundit 23 Janar 2025, 17:29
Foto ilustruese
KROACI- Kroacia i ka dërguar një notë proteste diplomatike Serbisë pasi Beogradi arrestoi dhe deportoi pesë shtetas kroatë që po merrnin pjesë në një takim të organizatave të shoqërisë civile në kryeqytetin serb. Lajmin e njoftoi të enjten stacioni televiziv shtetëror HRT.
Kroacia, në reagimin e saj, protestoi ashpër ndaj lëvizjes së autoriteteve serbe dhe kërkoi një shpjegim. Ministri i Jashtëm kroat, Gordan Grliç Radman ka thënë se Kroacia do të lëshojë një paralajmërim udhëtimi për qytetarët drejt Serbisë.
“Ne do të dërgojmë një notë proteste, do ta informojmë delegacionin e Bashkimit Evropian në Beograd për veprimet e autoriteteve serbe dhe sjelljen e tyre, në të cilën ata i vendosën qytetarët kroatë në pozitë poshtëruese”, tha ai.
“Ne do të mbledhim sistematikisht të gjitha rastet e keqtrajtimit të qytetarëve kroatë dhe do të informojmë Komisionin Evropian dhe Presidencën polake (BE) për këtë dhe, natyrisht, do të rishikojmë rekomandimin për udhëtimin e qytetarëve kroatë në Serbi”, shtoi ai.
Ministria e Punëve të Jashtme dhe Evropiane kroate rekomandoi që të gjitha udhëtimet jo të rëndësishme në Serbi të shtyhen për shkak të trajtimit të papërshtatshëm dhe të pabazuar të shtetasve kroatë.
“Rekomandohet të shtyhen të gjitha udhëtimet që nuk janë të nevojshme, të keni kujdes, të monitoroni situatën aktuale dhe të jepni informacione më të detajuara para udhëtimit për shkak të veprimeve të regjistruara të papërshtatshme dhe të pabaza të autoriteteve të Republikës së Serbisë ndaj qytetarëve kroatë”, njoftoi të enjten pasdite ministria.
Autoritetet në Beograd nuk kanë dhënë asnjë konfirmim apo shpjegim zyrtar për dëbimet, ku thuhet se përfshinin edhe shtetas nga Rumania, Sllovenia, Bosnja dhe Maqedonia e Veriut, të cilët po merrnin pjesë këtë javë në një seminar për organizatat joqeveritare. Marrëdhëniet midis rivalëve kryesorë të Ballkanit, Kroacisë dhe Serbisë, kanë qenë të tensionuara për vite me radhë që nga shpërbërja e përgjakshme e ish-Jugosllavisë në vitet 1990.
