Një ngjarje e rëndë është regjistruar mëngjesin e kësaj të marte në qytetin e Korçës, ku një 66-...
BOTA
"Askush nuk e përmendi atë"/ Trump për atentatin ndaj tij: Si u ngjit dikush në çati dhe pse nuk u raportua?
E.DPërditësimi i fundit 21 Korrik 2024, 18:56
SHBA- Ish-presidenti amerikan, Donald Trump, vuri në dukje në intervistën e tij të parë të përbashkët me kandidatin për zëvendëspresident, J.D Vance, se pjesëmarrësit në tubimin e javës së kaluar në Pensilvani vunë re se dikush ishte në çati përpara atentatit.
“Si u ngjit dikush në atë çati dhe nuk u raportua, sepse njerëzit e kanë parë që ai ishte në çati”, tha Trump.
Në intervistë me Fox News që u transmetua të shtunën mbrëma, Trump tha se kishte “Trumpers që bërtisnin”, duke përfshirë një grua me një këmishë të kuqe që bërtiti: “Ka një burrë në çati”. Më vonë u zbulua se forcat e rendit po përpiqeshin të gjenin një burrë të dyshimtë 19 minuta para të shtënave, por nuk mund ta gjenin derisa ai ishte në çati.
Bëhet e ditur se i njëjti person i dyshimtë ishte Thomas Matthew Crooks, 20 vjeç, i cili hapi zjarr në ngjarje. Megjithatë, burimet që ishin me ish-presidentin në tubim thanë se ata nuk ishin në dijeni të situatës dhe se nuk kishte asnjë bisedë nëse Trump duhej të vononte ngjitjen në skenë.
Kjo përkundër faktit se policia lokale e kishte pikasur Crooks disa herë me një distancues, një pajisje gjuetie e ngjashme me një palë dylbi që llogarit distancën, dhe kishte shpërndarë një foto të tij.
“Askush nuk e përmendi atë, askush nuk tha se kishte ndonjë problem. Unë mund të kisha pritur 15 minuta, 20, nëse ata do të kishin thënë”, tha Trump.
