Bisedat në “Sky Ecc”/ Operacion në Greqi, dhjetëra të arrestuar për trafik droge

GREQIA- Policia Greke ka nisur një operacion kundër krimit të organizuar, duke arrestuar anëtarë të një rrjeti trafikimi droge në rajonin e Atikës. Sipas mediave greke, hetimet janë bazuar në analizën e komunikimeve të koduara përmes aplikacionit SKY ECC, i cili u deshifrua gjatë viteve 2020-2021 nga EUROPOL-i dhe autoritetet e Holandës, Belgjikës dhe Francës.

Bëhet me dije se deri më tani, më shumë se dhjetë persona janë arrestuar për trafikim kanabisi, kokaine dhe lloje të tjera droge, ndër ta edhe tifozë të organizuar të klubit AEK. Javën e kaluar, EL.AS. arrestoi një oficer policie në detyrë, i cili kishte shërbyer për vite në Shërbimin e Antidrogës. Ky arrestim erdhi pas një hetimi të Shërbimit të Çështjeve të Brendshme, i cili gjithashtu përdori të dhëna nga aplikacioni SKY ECC.

Oficeri 42-vjeçar ishte transferuar disa muaj më parë në një detyrë të parëndësishme, pasi ndaj tij kishte denoncime për shantazh ndaj trafikantëve të drogës. Ai akuzohet se kërkonte para për të mos i përfshirë në dosje ose për të dëshmuar në favor të tyre në gjykatë, duke siguruar kështu një trajtim më të butë penal.

greqia