Braktisën foshnjen në koshin e plehrave, flasin prindërit grekë: Lindi i vdekur, ndaj e hodhëm

Foto nga vendngjarja

GREQI - Ngjarja e rëndë që u raportua këtë të premte në Greqi, ku një foshnje u gjet e pajetë në një kosh plehrash ka tronditur opinionin publik, ndërsa të tjera detaje kanë dalë në dritë. Së fundmi prindërit e foshnjes për mediat vendase kanë deklaruar se nuk e vranë foshnjen por kishte lindur para kohe dhe pa shenja jete ndaj e braktisën në një kosh.

Më herët, burime policore raportuan se gruaja ka shkuar mbrëmjen e djeshme në spitalin "Aleksandra" me gjakderdhje dhe mjekët i kanë thënë se është shtatzënë pa mundur të përcaktojnë nëse ka pasur një abort apo një lindje normale. Megjithatë, nga këqyrja e kamerave të sigurisë shihet se se ka qënë babai ai që e ka hedhur beben në plehra. Ndërkohë nëqnkryetari i pastërtisë dhe mbrojtjes civile i komunës së Markopoulos është shprehur se ishte gjëja më e keqe që kishte parë në jetën e tij.

“Ishte gjëja më e keqe që kam parë në jetën time”, deklaroi Janis Aidiniotis. Duke përshkruar pamjen e tmerrshme që ka parë, vë në dukje para kamerave si më poshtë: “Koka e foshnjës ishte e ngjeshur, dora e vogël i dilte jashtë”. “Jam në shok”, shtoi ai. 

greqi krim policia