Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
BOTA
Burri u vra ndërsa gruaja u lidh në karrige/ Si rrengu i gruas greke u vu në jetë nga i dashuri shqiptar
PiranjatPërditësimi i fundit 3 Shkurt 2026, 23:48
Familja e 27-vjeçarit që u vra në Nea Peramos ishte tronditur shumë vite më parë nga një krim tjetër, i cili mbeti i pazgjidhur për muaj të tërë, përpara se policia të arrinte në fund të historisë.
Viktima ishte xhaxhai i 27-vjeçarit, i cili u gjet i vrarë me dy plagë thike në shtëpinë e tij, ndërsa gruaja e tij ishte e lidhur në një karrige. Siç u bë e ditur më vonë, gruaja e viktimës kishte organizuar një operacion të tërë për të mashtruar autoritetet. Krimi ndodhi më 1 qershor 1999. Viktima u gjet me dy plagë thike në shpinë dhe qafë. Gruaja e tij tha se tre grabitës hynë, e lidhën dhe ia mbyllën gojën, dhe më pas e vranë burrin. Ajo u lirua më në fund nga djali i saj 9-vjeçar, i cili njoftoi policinë.
"Mbaj mend që u zgjova nga një zhurmë dhe e gjeta veten të lidhur në një karrige", tha gruaja, duke thënë se mund ta dëgjonte të birin e saj të mitur duke bërtitur. Thika e vrasjes u gjet nga babai i viktimës në një ndërtesë 50 metra larg shtëpisë, shkruan "Prothothema".
Për muaj të tërë, policia mblodhi prova në lidhje me krimin. Siç doli, porositës ishte gruaja dhe autori ishte një burrë shqiptar që punonte në ndërtim dhe kishte një lidhje jashtëmartesore me të.
Gruaja u dënua dhe u burgos në Korydallos. Në vitin 2005, ajo kërkoi lirim, gjë që u pranua, por vitin pasardhës ajo u rikthye në burg sepse të afërmit e viktimës ngritën një padi për vuajtje mendore, duke kërkuar kompensim të lartë. /PiranjatNews/
Lajmet kryesore të lidhura me dosjet e ish-financierit kriminel Jeffrey Epstein fokusohen tek presidenti Donald Trump, ish-presidenti Bill Clinton, por e...
