Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
BOTA
Dhjetëra të vdekur dhe mijëra qytetarë të evakuuar pas përmbytjeve në Poloni, Tusk i kërkon ndihmë BE
E.DPërditësimi i fundit 17 Shtator 2024, 19:10
POLONI- Kryeministri i Polonisë, Donald Tusk bën thirrje për fonde ndihmëse nga Bashkimi Evropian, pasi mijëra shtetas polakë janë detyruar të evakuohen nga banesat e tyre. Thirrja e tij për mbështetje erdhi pas reshjeve të dendura të shiut në Evropën Qendrore që shkaktuan përmbytje jo vetëm në Poloni, por edhe në Republikën Çeke, Sllovaki, Rumani dhe Austri.
Gjatë një konference shtypi, Tusk tha se do të na duhen mbi 1 miliard euro. Ai shtoi se ndihma financiare nga BE duhet të pritet pas përfundimit të përmbytjeve dhe se Polonia do të duhet të aplikojë për ta marrë atë. Tusk shtoi se ai pret një vizitë të afërt nga presidentja e Komisionit Evropian Ursula von der Leyen në mënyrë që të fillojë të bëjë marrëveshje për fondet e ndihmës.
Ndërkohë, presidentja e KE-së, Ursula von der Leyen bëri thirrje për solidaritet në Evropë, duke thënë se kjo është diçka ku ne vërtet duhet të vendosim, së bashku si evropianë, se si mund të menaxhojmë dhe financojmë nevojën në rritje të përshtatjes dhe riparimit që do të shohim në vitet eja. Të paktën 18 persona kanë humbur jetën nga përmbytjet deri më tani, ndërsa evakuime të mëdha janë bërë në Poloni, Republikën Çeke dhe Austri.
