Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
BOTA
"Do të formojmë gjykatën tonë", Dodik: I akuzuari i parë do të jetë Christian Schmidt, do ta ndjekim si kafshën!
n.fPërditësimi i fundit 14 Mars 2025, 14:24
BOSNJE- Presidenti i Republika Srpska, Millorad Dodik tha se RS do të formojë gjykatën dhe prokurorinë e vet duke theksuar se i pandehuri i parë do të jetë Përfaqësuesi i Lartë në BiH, Christian Schmidt.
"Ne do ta ndjekim atë si një kafshë," tha Dodik në një fjalim para deputetëve në parlamentin e RS ku u debatuar për projektin e Kushtetutës së njësisë së re dhe Ligjit për Mbrojtjen e Rendit Shtetëror.
Dodik tha se miratimi i Kushtetutës së re të RS kërkon mbështetjen e dy të tretave të shumicës, të cilën koalicioni qeverisës nuk e ka dhe se nevojitet mbështetja e deputetëve nga partitë opozitare. Ai deklaroi se ish-Përfaqësuesi i Lartë Wolfgang Petritsch imponoi shumë amendamente në Kushtetutën e RS, prandaj sipas tij Kushtetuta ekzistuese e RS nuk është vullneti i popullit, por vullneti i një të huaji.
Ai ka thënë se ato vendime të imponuara ishin miratuar në Kuvendin Parlamentar të RS, por se ato nuk janë në përputhje me Marrëveshjen e Dejtonit. Sipas tij, deputetët në parlamentin e BeH nuk janë Republika Serbe, dhe RS asnjëherë nuk ka marrë një qëndrim për këto ligje të imponuara. Dodiku ka shtuar se gjendja në RS është më e mirë se më parë sepse sipas tij ka më shumë miq në botë“.
