Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Duam të dimë kush i ka urdhëruar të na vjedhin/ bandat shqiptare të drogës ofrojnë shpërblime deri në 30 mijë paund për kapjen e hajdutëve në fermat e kanabisit
e. dPërditësimi i fundit 24 Maj 2024, 22:03
ANGLI- Bandat e drogës po ofrojnë shpërblime në TikTok për informacion për të ndihmuar në rrëmbimin e kolegëve mafioz që vjedhin prej tyre. Reklamat, të gjetura nga The Sun të dielën, tregojnë CCTV të mashtruesve që bastisin fabrikat e kanabisit të shqiptarëve. Gjithashtu një sindikatë e krimit tha se do të paguante një shpërblim prej 30,000 £ për informacionin që identifikonte banditë që u kishin vjedhur të korrat në Golders Green, në Londrën Veriore.
“Kushdo që ka informacion mund të na kontaktojë. Edhe njerëzit që shfaqen në këtë video duke bërë grabitjen. Ne nuk do të bëjmë asgjë për ta. Vetëm të dimë se kush i ka urdhëruar të na vjedhin punën. Për atë shpërblim 30 mijë," thotë postimi në shqip.
Krerët e krimit përdorin rrëmbime, burgime të rreme dhe rrahje brutale për të vulosur autoritetin e tyre në rrjetin e fabrikave të drogës në të gjithë Britaninë. Ndërsa një video tjetër e postuar si paralajmërim dhe e parë më shumë se 10,000 herë, tregon një shqiptar të mavijosur keq duke u marrë në pyetje pas një vjedhjeje në Londrën e Jugut.
I pyetur nëse e meriton atë që i ka ndodhur, ai përgjigjet: “Po, kam bërë një gabim të madh.
“Gangsterët shqiptarë njihen për rrëmbimin e rivalëve që u vjedhin. Është një taktikë e zakonshme që ata përdorin herë pas here por ofrimi i shpërblimeve për informacion është e re dhe duhet të nënkuptojë se ata janë të dëshpëruar për të mbajtur kontrollin e biznesit të kanabisit në Mbretërinë e Bashkuar", tha një burim.
