Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
E pabesueshme/ Rreth 40 mijë aplikime për të qenë “pemë me gjethe” në shfaqjen e Bad Bunny në Super Bowl
PiranjatPërditësimi i fundit 10 Shkurt 2026, 12:56
Rreth 40.000 persona mësohet se aplikuan për të qenë pjesë e performancës spektakolare të Bad Bunny gjatë Super Bowl, konkretisht për rolin e një “peme me gjethe” në skenografi.
Mes tyre ishte edhe Athias, i cili udhëtoi plot 2.500 milje nga Filadelfia drejt San Franciskos për këtë angazhim unik.
Ai tregon se kriteret për t’u përzgjedhur ishin mjaft specifike: aplikantët duhej të ishin nga 5’7” deri në 6 këmbë të gjatë, as më të shkurtër dhe as më të gjatë, të kishin trup atletik, eksperiencë pune në grup, si dhe të ndiheshin rehat duke veshur një kostum që peshonte rreth 45 pound (afërsisht 20 kg).
Po ashtu, ishte e domosdoshme që të mos ishin klaustrofobikë.
Megjithatë, sipas Athias, një nga sfidat më të mëdha nuk ishte as pesha e kostumit dhe as përgatitja fizike, por ruajtja e sekretit. “Ishte jashtëzakonisht e vështirë të mos i tregoja askujt për këtë koncert,” shprehet ai.
Performanca e Bad Bunny në Super Bowl u komentua gjerësisht për origjinalitetin dhe përmasat e saj, ndërsa prapa skenave fshiheshin histori interesante sakrifice dhe përkushtimi nga dhjetëra pjesëmarrës.
Çfarë ndodhi në të vërtetë?
Performanca kishte një estetikë shumë teatrale dhe simbolike, me elementë natyre.
Në skenë u krijua përshtypja e një ambienti “organik” të gjallë, ku elementët që dukeshin si pemë apo dekor ishin në fakt njerëz të veshur me kostume.
Lëvizjet ishin të sinkronizuara, minimale, por thelbësore për të krijuar iluzionin vizual në kamera./Përshtati në shqip, Piranjat News
