Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
E rëndë në Kosovë/ Polici qëllon me armë në kokë të afërmin 16-vjeçar, arrestohet dhe pezullohet nga detyra efektivi, i mituri në spital
n.fPërditësimi i fundit 16 Korrik 2024, 11:17
Foto ilustruese
KOSOVË- Një incident me armë zjarri ka ndodhur pas mesnate në fshatin Dubravë të Istogut, ku një polic ka qëlluar aksidentalisht një të mitur në kokë. Lidhur me rastin ka reaguar edhe Inspektorati Policor i Kosovës, të cilët konfirmojnë se i mituri është plagosur në kokë.
“Sot pas mesnatës Inspektorati Policor i Kosovës ka pranuar një informacion nga Policia e Kosovës se ka ndodhur një incident me armë zjarri në fshatin Dubravë të Istogut ku një person ishte plagosur në kokë. Hetuesit e IPK-së menjëherë i janë përgjigjur thirrjes kurse në vendin e ngjarjes kanë dalë edhe njësitet përkatëse policore si dhe prokurori kujdestar”, thuhet në njoftim.
Më tej bëhet me dije se i plagosur është një 16-vjeçar i cili ka lidhje familjare me policin. I plagosuri është dërguar me urgjencë për trajtim mjekësor fillimisht në Spitalin Rajonal të Pejës, e pastaj është dërguar në QKUK në Prishtinë.
“Bazuar në hetimet preliminare fillestare dyshohet se rasti ka ndodhur në shtëpinë e zyrtarit policor i cili deri në këtë fazë të hetimit dyshohet se aksidentalisht ka shkrepur armën zyrtare,” thuhet më tej në njoftimin e policisë.
Personi i dyshuar në këtë rast është arrestuar nga Inspektorati Policor me dyshimin se i njëjti ka kryer veprën penale “vrasje e mbetur në tentativë” kurse me vendim të prokurorit të njëjtit i është caktuar masa e ndalimit për 48 orë si dhe është pezulluar nga detyra.
