Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
BOTA
E rëndë në SHBA/ Babai vret djalin pas një sherri për enët e palara, e goditi me thikë në zemër, thirrja e dëshpëruar e 59-vjeçarit: Mos vdis!
n.fPërditësimi i fundit 20 Qershor 2024, 07:49
Autori dhe viktima
SHBA- Një krim i rëndë ka ndodhur në Indiana të SHBA-ve. Një baba 59-vjeçar ka vrarë djalin e tij 31-vjeçar pas një shërri për enët e palara. Sipas Neë York Post, vrasja me thikë në zemër ka ndodhur më 14 qershor me autor Timothy Ray Lisby dhe viktimë Christopher Allen.
Duke përshkruar atë që ndodhi, miku i familjes Jeremiah Green, i cili ishte gjithashtu një dëshmitar okular, tha se pas sherrit për enët e palara, Lisby u përlesh me djalin e tij.
“Tim kishte një lugë në dorë dhe ai po godiste Chrisin me të dhe ai më bërtiti ‘Jeremy merre lugën’ dhe unë e bëra. Pastaj Tim vrapoi në kuzhinë dhe mori diçka me shkëlqim dhe të mprehtë dhe e përplasi në gjoksin e Chris-it aq fort sa mundi," tha dëshmitari.
Oficerët që mbërritën në shtëpi e gjetën 31-vjeçarin në dhomën e ndenjjes, të gjakosur nga një plagë e hapur në gjoks. 31-vjeçari u dërgua në spital, iu nënshtrua një operacioni por ndërroi jetë një ditë më vonë.
Sipas mikut të familjes, pasi ka goditur me thikë djalin e tij, 59-vjeçari e ka kuptuar seriozitetin e situatës dhe ka tentuar ta shpëtojë: “Po i bënte presion plagës dhe bërtiste “mos vdis, mos vdis”.
