Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
E vetmja e dënuar me vdekje, Tenesi cakton datën e ekzekutimit për vrasësen femër që gdhendi një pentagram në gjoksin e shoqes që masakroi
PiranjatPërditësimi i fundit 5 Tetor 2025, 21:43
Data e ekzekutimit për të burgosurën e vetme femër të dënuar me vdekje në Tenesi, e cila gdhendi një pentagram në gjoksin e viktimës së saj, është caktuar nga Gjykata Supreme e shtetit.
Christa Pike u dënua me vdekje kur ishte 18 vjeç për torturimin dhe vrasjen e shoqes 18-vjeçare Colleen Slemmer në vitin 1995. Të dyja ishin studente të Knoxville Job Corps.
Slemmer u godit me thikë dhe u rrah nga Pike së bashku me të dashurin e saj në kampusin Bujqësor të Universitetit të Tenesit. Të dy gdhendën një pentagram në gjoksin e Slemmer dhe Pike mori një pjesë të kafkës së saj si suvenir, sipas hetuesve. Pike mori gjithashtu një dënim të dytë në vitin 2004 për përpjekjen për të mbytur një të burgosur tjetër gjatë një përleshjeje në burg, gjë që i shtoi 25 vjet dënimit të saj.
Avokatët e Pike i kërkuan më parë gjykatës së lartë të Tenesit të ulte dënimin për shkak të moshës dhe “sëmundjes së rëndë mendore në kohën e krimit”.
Gjithashtu, sipas avokatëve të saj, u argumentua se Pike ishte viktimë e abuzimit seksual dhe neglizhencës si fëmijë. Ajo vuante nga çrregullime bipolare dhe të stresit post-traumatik, të cilat nuk u diagnostikuan deri vite pas arrestimit.
“Me kalimin e kohës dhe trajtimin, Christa është bërë një grua e kujdesshme me pendim të thellë për krimin e saj”, shkruan avokatët në një deklaratë të publikuar të mërkurën.
Tenesi filloi një raund të ri ekzekutimesh në maj pas një pauze tre-vjeçare që erdhi si pasojë e mostestimit siç duhet të barnave të injeksionit vdekjeprurës për pastërtinë dhe fuqinë. Një shqyrtim i pavarur zbuloi se asnjë nga ilaçet e përgatitura për shtatë të burgosurit e ekzekutuar në Tenesi që nga viti 2018 nuk ishte testuar plotësisht.
