Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
Efektivët dhunuan brutalisht 15-vjeçarin në Drenas, flet babai i të miturit: Më thanë ndoshta ta mbysin krejt! Inspektorati Policor po i mbulon ata
n.fPërditësimi i fundit 11 Qershor 2024, 19:25
Dhunimi
KOSOVË- Një 15-vjeçar raportohet se është rrahur nga disa pjesëtarë të Policisë së Kosovës në Palestrën e Sporteve në Drenas. Në lidhje me ngjarjen ka folur babai i 15-vjeçarit, Bujar Gjoka i cili tha se djali i tij është rrahur brutalisht nga policia.
“Unë kam qenë për përvjetor të axhës në atë kohë. Policia e kanë marrë djalin tim dhe e kanë rrahur brutalisht. I kemi edhe incizimet. Ia kanë zënë frymën dhe e kanë rrahë. Një fëmijë 15 vjeçar është tmerr që të rrahet nga një polic i Kosovës, është e tmerrshme”, tha Gjoka.
Më tej, ai tha se ka shkuar në polici që të marrë informacion në lidhje me arrestimin dhe rrahjen e djalit.
“Kam shku dhe kam pyetur se pse më është rrahë djali, më janë përgjigjur ‘ai e dinë’. Polici më ka thënë se ‘ndoshta e mbysim krejt’”, tha Gjoka.
Gjoka tha se rastin e ka lajmëruar në Inspektoratin Policor të Kosovës, por pati ankesa edhe për ata, pasi sipas tij ata janë duke mbuluar njëri-tjetrin.
“Kur kanë qenë IPK-ja, janë mundur ta mbulojnë njëri-tjetrin. Djali është liruar dje dhe nuk ka fjetur tash e 24 orë”, tha ai për Klankosova.tv
Në lidhje me rastin, Inspektorati Policor i Kosovës ka rekomanduar pezullimin e tre zyrtarëve policorë pasi dyshohen për veprën penale “keqtrajtim gjatë ushtrimit të detyrës zyrtare”.
“Pas disa veprimeve hetimore në konsultim me prokurorinë kompetente hetuesit e IPK-së në interes të hetimit kanë dhënë rekomandimin për suspendim nga detyra për tre zyrtarë policorë të cilët janë të dyshuar për veprën penale ‘keqtrajtim gjatë ushtrimit të detyrës zyrtare’”, thuhet në njoftimin e IPK-së.
