Prezantuesja televizive egjiptiane Sarah Khalifa dhe 11 persona të tjerë janë dënuar me vdekje me varje, pasi u shpallën fajtorë p...
BOTA
Ekzekutohet në Poloni kritiku i Putin, bënte karikatura me kreun e Kremlinit
PiranjatPërditësimi i fundit 17 Qershor 2026, 07:14
Policia në Poloni po heton vrasjen me stil ekzekutimi të një artisti rus dhe kritiku të zëshëm të presidentit rus Vladimir Putin.
Prokurorët polakë deklaruan se artisti Semyon Skrepetsky u vra në qytetin Biala Podlaska, rreth 40 kilometra larg kufirit bjellorus.
Sipas burimeve, 44-vjeçari u qëllua 5 herë në kokë, gjoks dhe kurriz teksa ndodhej në një parking të qytetit, rreth 600 metra larg konsullatës bjelloruse.
Semyon Skrepetsky ishte pseudonimi i përdorur nga Robert Kuzokov. Ai njihej për karikaturat e politikanëve, përfshirë ato të presidentëve Putin dhe Lukashenko, si dhe të liderit çeçen Ramzan Kadyrov.
Një zëdhënës i zyrës së prokurorit në Lublik deklaroi se artisti u afrua nga dy persona të armatosur të cilët hapën zjarr ndaj tij.
“Kur viktima ra në tokë, një nga agresorët u afrua, e qëlloi 3 herë të tjera dhe më pas u largua nga vendi i ngjarjes”, tha zëdhënësi.
Në vendin e ngjarjes u gjetën 5 gëzhoja plumbash dhe një plumb i qëlluar nga një pistoletë e llojit “Luger”, 9 milimetërshe.
Pak momente më vonë, policia arrestoi dy shtetas bjellorusë, të moshave 33 dhe 37 vjeç, në afërsi të konsullatës bjelloruse në qytet.
Megjithatë, mbi ngjarjen po zhvillohet një hetim dhe roli i tyre në ngjarje pritet të përcaktohet, vijoi zëdhënësi.
Sipas mediave polake, artisti ishte zhvendosur në qytetin Biala Podlaska në vitin 2021.
