Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
BOTA
Çështjet bërthamore/ Përfundon raundi i tretë i negociatave mes SHBA-së dhe Iranit
m.lPërditësimi i fundit 26 Prill 2025, 17:57
IRAN- Pas negociatave të gjata, raundi i tretë i bisedimeve për programin bërthamor të Iranit midis Teheranit dhe Uashingtonit përfundoi sot pasdite, nën ndërmjetësimin e Omanit, sipas televizionit shtetëror iranian.
"Delegacioni iranian i kryesuar nga Ministri i Jashtëm Abbas Araghchi dhe delegacioni amerikan i kryesuar nga i dërguari i Presidentit Trump, Steve Witkoff, po kthehen në kryeqytetet e tyre përkatëse për konsultime", tha një i dërguar i televizionit shtetëror nga kryeqyteti i Omanit, Muscat.
Më herët sot, agjencia zyrtare iraniane e lajmeve IRNA raportoi se Teherani ishte i gatshëm të zgjaste bisedimet nëse është e nevojshme. Negociatat e nivelit teknik, të cilat do të zhvillohen paralelisht, pritet të drejtohen nga Michael Anton, drejtori i planifikimit të politikave të Departamentit të Shtetit, sipas Departamentit të Shtetit të SHBA.
Takimi në nivel teknik mes ekspertëve është planifikuar të zhvillohet përpara atij të zyrtarëve të lartë të të dyja palëve. Pas raundit të dytë të negociatave të mbajtura në Romë fundjavën e kaluar, të dyja palët ranë dakord të vazhdojnë bisedimet. Madje, takimi i 19 prillit u cilësua si “i mirë” nga të dyja palët.
“Që negociatat të përparojnë, pala tjetër duhet të tregojë vullnet të mirë, seriozitet dhe realizëm”, tha dje, të premten, zëdhënësi i Ministrisë së Jashtme iraniane, Esmail Baghai.
