Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
BOTA
FOTO/ Biden nderon 19 personalitete me Medaljen e Lirisë, mes tyre edhe Hillary Clinton, Lionel Messi mungon në ceremoninë e ndarjes së çmimeve
n.fPërditësimi i fundit 4 Janar 2025, 22:52
Ceremonia
SHBA- Presidenti i SHBA-së, Joe Biden mbajti këtë të shtunën një ceremoni në Shtëpinë e Bardhë për ndarjen e Medaljeve të Lirisë për 19 personalitete. Nga trashëgimia politike e Hillary Clinton, te ndikimi i Ralph Lauren në dizajn, ndikimi global i Lionel Messi-t në futboll, përpjekjet humanitare të Bono-s dhe kontributet filantropike të George Soros, kjo përzgjedhje pasqyron një përkushtim për të nderuar përkryerjen dhe ndikimin e rëndësishëm shoqëror.
Medalja e Lirisë, nderimi më i lartë që mund t'i bëhet një qytetari, u jepet njerëzve që kanë dhënë kontribute shembullore për mirëqenien, vlerat ose sigurinë e Shteteve të Bashkuara, për paqen botërore ose për vende të tjera të rëndësishme shoqërore, publike ose aktivitete private.
Gjatë ceremonisë, Biden tha se për herë të fundit si president, është i nderuar t'i jap Medaljen e Lirisë një grupi njerëzish të jashtëzakonshëm që kanë formësuar kulturën dhe misionin e Amerikës. Shtëpia e Bardhë theksoi se presidenti beson se udhëheqësit e mëdhenj ruajnë besimin, u japin mundësi të barabarta të gjithëve dhe e vënë dinjitetin mbi gjithçka.
Hillary Clinton u nderua për karrierën e saj të gjatë në jetën publike, duke u bërë Zonja e Parë e parë që u zgjodh në Senat dhe e para femër e nominuar për president nga një parti e madhe politike amerikane. Medalje u janë dhënë gjithashtu pas vdekjes figurave politike si Robert Francis Kennedy, i njohur për luftën kundër ndarjes racore dhe ish-Sekretari i Mbrojtjes Ashton Carter për përkushtimin e tij ndaj sigurisë kombëtare.
Personalitete të rëndësishme nga fusha e kulturës dhe shkencës, si Bono, aktori Michael J. Fox dhe stilisti Ralph Lauren, aktori Denzel Washington, kryeredaktore e Vogue Anna Wintour u nderuan gjithashtu. Lionel Messi, pavarësisht çmimit të tij, nuk mundi të merrte pjesë për shkak të angazhimeve në punë.
Shefi i shquar i kuzhinës, José Andrés u nderua për punën e tij humanitare, ndërsa çmimin e George Soros e pranoi djali i tij Alex Soros. Ai shprehu mirënjohjen e tij për nderin, duke thënë se po e pranonte medaljen në emër të njerëzve që mbështeti përmes Fondacioneve të Shoqërisë së Hapur.
