Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
BOTA
FOTO/ Mijëra qytetarë demonstrojnë kundër qirave të larta në Berlin
E.DPërditësimi i fundit 1 Qershor 2024, 21:02
foto nga vendngjarja
BERLIN- Mijëra qytetarë kanë protestuar sot në Berlin kundër qirave të larta te banimit dhe për të kërkuar shtëpi banimi më të përballueshme. Siç raportohet protesta u organizua nga rreth 200 iniciativa të sindikatave, të qiraxhinjve dhe grupeve politike. Ndërsa një protestues tha se tha se gjendja e keqe e strehimit po shkaktonte ndarje të mëdha mes shtesave të popullatës.
“Kam ardhur në protestë sepse nuk dua që Berlini të bëhet si qytete të tjera të mëdha në Evropë me shtresa të ndara popullsie dhe përqidnje të artë krimi.. ne duna të kemi lagjet tona të përziera dhe që autoritetet të mos shtyjnë gjithçka drejt ekstremit, nuk duam që qendra e qytetit të bëhet një vend i pakalueshëm”, tha ai.
“Unë po kërkoj një apartament prej një viti pasi duhet të dilja nga vendi ku banoja se i zoti më tha se kishte nevojë ta përdorte për vete. Por tani e shoh që është e pamundur. Nuk kam marrë thuajse asnjë ofertë, dhe kur e kam marrë, nuk e përballoj dot financiarisht”, tha një protestuese tjetër.
Prej disa vitesh qytetarët e Berlinit kanë protestuar për rritjet absurde të çmimit të apartamenteve dhe qirave të banimit. Rritja shtangëse nisi në 2016 me 20 përqind qira më të larta, teksa vendi përballej me valën e refugjatëve nga Siria. Megjithatë ekspertët thonë se prej atëherë mijëra njerëz kanë dalë në protesta në Berlin, vendi me rritjen më të madhe e të pashpjeguar të qirave në botë, vitet e fundit.
