Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
FOTO/ Nuk ranë dakord për pagesën e një borxhi, babai dhunon barbarisht vajzën me hanxhar
e. dPërditësimi i fundit 4 Qershor 2024, 15:45
Bruna Tsuchiya
BRAZIL- Një influencuese 33-vjeçare në Brazil është dhunuar në mënyrë barbare nga babai i saj 54-vjeç. Bëhet me dije se ai e ka rrahur me një hanxhar pasi ata nuk ranë dakord për pagesën e një borxhi që lidhej me riparimin e makinës. 33-vjeçarja Bruna Tsuchiya ka postuar disa foto ku tregojnë plagët e shkaktuara nga sulmi i babait të saj në hotelin që drejton familja e tyre.
Siç raportohet 33-vjeçarja, e cila është dentiste, u tha oficerëve se babai i saj 54-vjeçar e ndoqi me një hanxhar që mori nga zyra. Ajo tha se pas sulmit nga i ati, kishte thirrur të ëmën për ndihmë para se të tentonte të arratisej, por pa sukses, pasi kur arriti në garazh ajo u rrëzua duke i dhënë mundësinë 54-vjeçarit ta tërhiqte nga flokët dhe ta rrihte me hanxhar.
“Kam jetuar një makth, kam përjetuar ndjenjën se jeta ime do të përfundojë papritur. Isha i sigurt se kjo do të ishte dita ime e fundit nga një baba që do të vriste fëmijën e tij. Si e gjeti guximin ta bënte një gjë të tillë?” tha Tsuchiya.
Ndërsa babai i saj ka dhënë një version tjetër, duke pretenduar se vajza e tij ka shkuar ta takojë për të marrë një pjesë të fitimeve nga hoteli për llogari të nënës së saj. Sipas tij, të dy janë konfliktuar pasi ajo nuk ka pranuar të paguajë 165 euro për riparimin e makinës së saj.
Siç thotë 54-vjeçari ka qenë Tsuchiya që ka marrë me vete një hanxhar duke nxjerrë armën dhe duke e vënë atë në këmbë. Ndërkohë nëna e 33-vjeçares ishte pajisur me një urdhër ndalimi në nëntor 2023 duke e akuzuar 54-vjeçarin për dhunë në familje.
