Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
FOTO/ Shembet hoteli në Gjermani, humbin jetën dy persona, tre të tjerë nën rrënoja
E.DPërditësimi i fundit 7 Gusht 2024, 17:20
GJERMANI- Një hotel në Gjermani është shembur, ku si pasojë humbën jetën dy persona, ndërsa tre të tjerë mbetën nën rrënoja. Siç raportohet një kat në hotelin Reichsschenke Zum Ritter Götz në Kroev, në perëndim të Frankfurtit, u shemb rreth orës 23:00 të së martës, duke lën të vdekur një burrë dhe një grua. Gjithashtu nga 14 personat që ishin brenda në atë moment, pesë arritën të dilnin pa lëndime.
Të mërkurën herët në mëngjes, shërbimet e urgjencës kishin konstatuar se një person kishte vdekur, por ende nuk arritën të nxirrnin dot trupin nga rrënojat. Në atë moment, tetë persona besohej se ishin ende në ndërtesë, disa prej tyre të plagosur rëndë. Më shumë se dy orë më vonë, autoritetet thanë se kishin shpëtuar dy gra, një burrë dhe një fëmijë 2-vjeçar, gjendja e të cilëve ishte e paqartë.
Banorët vendas njoftuan policinë për incidentin rreth orës 22:55 me orën lokale të së martës mbrëma. Pamjet nga vendi i ngjarjes tregonin dëmtime në pjesën e pasme të hotelit “Reichsschenke Zum Ritter Götz”, me mbeturina në tokë. Ndërtesa daton në shekullin e 17-të.
“Disa njerëz mundën të largoheshin nga ndërtesa vetë dhe po kujdesen nga shërbimet e urgjencës dhe këshilltarët,” tha policia të mërkurën në mëngjes.
