Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
FOTO/ Turistët shkrepin selfie duke buzëqeshur krah arkëmortit të Papa Françeskut, besimtarët: E trishtueshme të shihet një mosrespektim i tillë!
n.fPërditësimi i fundit 24 Prill 2025, 14:10
VATIKAN- Përgatitjet për t'i japë lamtumirën e fundit Papa Françeskut po vijojnë ndërsa mijëra beismtarë kanë udhëtuar drejt Vatikanit për të nderur papën. Trupi i tij është ekspozuar publikisht në Bazilikën e Shën Pjetrit në Vatikan, por atmosfera e nderimit brenda dhe jashtë kishës është prishur nga vizitorët të cilët, krahas lutjeve nuk mungojnë të bëjnë një selfie pranë arkivolit të hapur të të ndjerit.
Françesku u dërgua në bazilikën e Vatikanit për një pelegrinazh publik tre-ditor. Mbi 50,000 besimtarë kanë qenë tashmë në vendin ku është ekspozuar trupi, megjithatë, pamjet e fytyrave të buzëqeshura duke u fotografuar pranë tij kanë shkaktuar zemërim. Në një foto që është “ngarkuar” në Instagram duket një grua e veshur me shami e cila pozon e buzëqeshur, ndërsa në sfond shihet arkivoli me Papën. Njerëzit që prisnin deri në 8 orë për të parë Papën u shprehën se kjo është një sjellje fyese.
"Ishte e trishtueshme të shihje një mosrespektim të tillë," tha një grua, e cila theksoi se ajo dhe burri i saj i mbanin telefonat në xhepa gjatë gjithë qëndrimit në tempull. Megjithëse autoritetet italiane nuk e ndaluan fotografimin, rojet thuhet se penguan disa vizitorë të përdornin celularët e tyre. Megjithatë, disa njerëz kanë arritur të ngrenë pajisjet e tyre në ajër, madje duke përdorur shkopinj selfie për të kapur fotografinë.
Raportohet se ka pasur edhe murgesha të cilat janë parë duke bërë foto me celularin para trupit të Françeskut. Vihet re se autoritetet e lanë të hapur bazilikën gjatë gjithë natës së së mërkurës për t'i shërbyer turmës. Portat u mbyllën për pak kohë në orën 05:30 të mëngjesit për t'u rihapur në orën 7, ndërkohë që policia kishte përforcuar praninë e saj në zonë, me patrulla në këmbë dhe të montuara.
Trafiku në rrugët përreth sheshit të Shën Pjetrit është i kontrolluar me përpikëri, ku policët kontrollojnë çantat dhe çantat e shpinës, ndërsa turma besimtarësh përzihet me turistët. Varrimi i Papa Françeskut do të bëhet të shtunën në sheshin e Shën Pjetrit, në prani të një turme besimtarësh dhe liderësh nga e gjithë bota. Sipas dëshirës së të ndjerit, Françesku nuk do të varroset në bazilikën e Shën Pjetrit, por në bazilikën e Santa Maria Maggiore.
