Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
BOTA
Fotografon nxënës të mitur dhe i ‘zhvesh’ nudo me inteligjencë artificiale, arrestohet punonjësi i shkollës
PiranjatPërditësimi i fundit 15 Mars 2026, 08:33
Fillimisht i fotografonte në korridoret dhe ambientet e shkollës, shpesh pa e kuptuar ato. Më pas përdorte programe të inteligjencës artificiale për të ndryshuar imazhet dhe për t’i bërë të dukeshin sikur nxënëset ishin të zhveshura pranë tij.
Me këtë akuzë, një punonjës shkollor 58-vjeçar, që punonte në një shkollë të mesme të ulët në Katania, u arrestua nga policia postare në kuadër të një hetimi për përhapje të materialeve pedopornografike.
Sipas asaj që kanë rindërtuar hetuesit, burri kishte mbledhur disa fotografi të nxënëseve të mitura, të bëra brenda institucionit shkollor.
Gjatë kontrollit të pajisjeve të tij elektronike u gjetën edhe shumë skedarë pedopornografikë, disa prej të cilëve me viktima në moshë fëmijërore. 58-vjeçari u arrestua në flagrancë dhe, pas seancës së verifikimit para gjyqtarit për hetimet paraprake, u vendos në arrest shtëpie.
Video pedopornografike edhe me skena zoofili
Hetimi nisi pas një sinjalizimi për një llogari që lidhej me një shtetas italian, i cili ruante imazhe dhe video me pornografi të të miturve. Raporti u dërgua nga organizata amerikane National Center for Missing & Exploited Children te Policia në Romë, e cila më pas ia kaloi materialin hetuesve në Catania. Analizat informatike u mundësuan specialistëve të policisë të identifikonin punonjësin e shkollës, shkruan TgCom.
Prokuroria e distriktit të Catanias, e cila merret me mbrojtjen e të miturve dhe kategorive më të cenueshme, urdhëroi më pas një kontroll personal dhe informatik. Në pajisjet e burrit u gjet një sasi e madhe imazhesh dhe videosh pedopornografike, disa prej të cilave përfshinin edhe skena zoofilie, përveç skedarëve të manipuluar me teknologji deep-nude. /PiranjatNews/
