Gaza dhe Bregu Perëndimor nuk gjejnë qetësi as natën, vriten pesë izraelitë dhe tre palestinezë gjatë sulmeve

Foto ilustruese

GAZA- Ushtria izraelite tha sot se pesë ushtarë u vranë në Rripin verior të Gazës, zona në të cilat forcat izraelite po operojnë përsëri pasi thonë se ata kërkojnë të pengojnë Hamasin nga rigrupimi. Sipas njoftimit të ushtrisë, të mërkurën janë vrarë katër parashutistë dhe drejtuesi i njësisë së tyre. Në total, 278 ushtarë izraelitë janë vrarë që nga fillimi i operacioneve tokësore të Izraelit në Rripin e Gazës më 27 tetor.

Në të njëjtën kohë, tre palestinezë u vranë nga zjarri i ushtrisë izraelite në pjesën veriore të Bregut Perëndimor të pushtuar, njoftuan sot autoritetet palestineze.

“Tre dëshmorë u vranë nga forcat okupuese në Tulkarem”, thuhet në një deklaratë të Ministrisë së Shëndetësisë. Tre të vdekurit ishin rreth 20 vjeç.

Më 4 maj, afër Tulkarem, ushtria izraelite njoftoi se kishte vrarë pesë palestinezë pas një rrethimi 12 orësh të një fshati gjatë të cilit një ushtar izraelit ishte plagosur. Brigadat Ezzedine al-Qassam, krahu i armatosur i Hamasit, theksoi se tre nga luftëtarët e saj u vranë në incident, mes tyre shefi i saj në Tulkarem.

lufta izrael-palestine gaza sulm