Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
"Gëzon shëndet të shkëlqyer mendor dhe fizik"/ Mjeku i Shtëpisë së Bardhë për Trump: Është plotësisht i aftë për të kryer detyrat e kreut të shtetit
m.lPërditësimi i fundit 13 Prill 2025, 17:57
SHBA- Donald Trump është në gjendje të shkëlqyer shëndetësore, tha mjeku i Shtëpisë së Bardhë kapiteni Sean Barbella pas kontrollit të presidentit amerikan.
“Presidenti Trump është në shëndet të shkëlqyer mendor dhe fizik dhe është plotësisht i aftë për të kryer detyrat e kreut të shtetit dhe komandantit të Forcave të Armatosura”, thuhet në letrën e mjekut të publikuar nga Shtëpia e Bardhë.
Letra e mjekut, e cila përfshinte detaje nga testet laboratorike, ekzaminimet fizike dhe një test kognitiv, arriti në përfundimin se Trump mbetet në shëndet të shkëlqyer. Trump peshon 101.6 kilogramë dhe është 1.90 metra i gjatë. Rrahjet e zemrës së tij në pushim është 62 rrahje në minutë dhe presioni i gjakut është 12.8/7.4 mmHg. Në testin e aftësive njohëse në Montreal, Trump shënoi 30 nga 30, sipas CNN .
Ekzaminimet e syve, kokës, veshëve, hundës dhe fytit të tij ishin normale, ndërsa mjeku vuri në dukje plagët në veshin e tij të djathtë që erdhën nga tentativa për vrasje në Pensilvani vitin e kaluar.
"Trump shfaq funksion të fortë kardiovaskular, pulmonar, neurologjik dhe fizik të përgjithshëm. Stili i tij aktiv i jetës vazhdon të kontribuojë ndjeshëm në mirëqenien e tij”, shkroi Sean Barbabella.
Barbabella përmendi pjesëmarrjen e Trumpit në takime, paraqitje dhe fitore të shpeshta në turnetë e golfit si dëshmi të stilit të tij të jetës aktive. Mjeku gjithashtu raportoi se një kolonoskopi gjatë verës zbuloi se presidenti kishte divertikulit. Në letër thuhej gjithashtu se Trump në një moment i ishte nënshtruar operacionit të kataraktit, por pa specifikuar se kur. Duke folur me gazetarët pas kontrollit të premten, Donald Trump tha se ishte në gjendje shumë të mirë.
