Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
BOTA
Gjendet peshku i rrallë i ngordhur në Kaliforni, shfaqja e tyre në breg besohet se i paraprin një tërmeti
n.fPërditësimi i fundit 20 Gusht 2024, 17:51
Peshku
KALIFORNI- Një peshk i rrallë është gjetur i ngordhur në brigjet e San Diegos në Kaliforni. Gjetja e këtij peshku ka habitur shkencëtarët. Peshku 12 metra i gjatë, i quajtur gjithashtu "Peshku i Ditës së Kijametit", u gjet ditë më parë nga një grup notarësh në La Jolla Cove, tha në një deklaratë Instituti i Oqeanografisë Scripps.
Peshku në fjalë mund të kalojë 6 metra gjatësi dhe zakonisht jeton në një pjesë të thellë të oqeanit të quajtur zona e mesme pelagjike, ku drita nuk mund të arrijë, sipas Administratës Kombëtare Oqeanike dhe Atmosferike të SHBA (NOAA).
Siç raportohet nga Independent , notarët e sollën peshkun në breg dhe më pas u dërgua për një nekropsi nga ekspertët e Qendrës Shkencës të Peshkimit Jugperëndimor të NOAA dhe Institutit Scripps për të përcaktuar shkakun e vdekjes së tij.
A shfaqen para tërmeteve?
Në vitin 2013, kur dy peshq lopatash u lanë në plazhet e Kalifornisë, shkencëtarët thanë se ata mund të kishin ngordhur si rezultat i aktivitetit sizmik nën fundin e detit që ndodh ditë ose javë para një tërmeti.
Rachel Grant, një pedagoge në biologjinë e kafshëve në Universitetin Anglia Ruskin në Kembrixh, tha në atë kohë se mund të ketë disa të vërteta në legjendën e lashtë japoneze se shfaqja e peshqve rrema i paraprin një tërmeti.
"Teorikisht është e mundur sepse kur ndodh një tërmet mund të ketë një rritje të presionit në shkëmbinj, gjë që mund të çojë në ngarkesa elektrostatike që shkaktojnë lëshimin e joneve të ngarkuar elektrikisht në ujë," tha Dr. Grant.
Peshku i ngordhur u transportua për nekropsi nga ekspertë të Qendrës së Shkencave të Peshkimit Jugperëndimor të NOAA dhe Institutit Scripps të Oqeanografisë.
