Të rinjtë janë mbledhur para Ministrisë së Arsimit në ditën e shtatë të revoltës studentore. Ata janë u...
BOTA
Gjermania i kërkon Kroacisë të zgjidhë mosmarrëveshjet me Malin e Zi, rrezikohet zgjerimi i BE-së
PiranjatPërditësimi i fundit 19 Tetor 2026, 13:48
Qeveria gjermane po ushtron presion mbi Kroacinë që të zgjidhë shpejt mosmarrëveshjet e saj dypalëshe me Malin e Zi, të cilat përndryshe do të rrezikonin prishjen e procesit të pranimit të Podgoricës.
Berlini ka ndërhyrë, duke i kërkuar Kroacisë të zgjidhë në mënyrë konstruktive mosmarrëveshjet dypalëshe.
Zagrebi ka paraqitur një listë me tetë pika me ankesa që dëshiron të zgjidhen përpara se Podgorica të finalizojë anëtarësimin në BE.
Berlini po bën këto manovra duke e pozicionuar veten si një ndërmjetës i ndershëm për t’u siguruar që zgjerimi të mos humbasë vrullin nga problemet dypalëshe.
“Ne do të vazhdojmë dialogun me Malin e Zi. Kroacia ka qenë konstruktive gjatë gjithë kësaj kohe, mund të them lirisht, që nga viti 2012 kur filloi procesi. Nëse nuk do të ishte konstruktiv, atëherë Mali i Zi ndoshta do të kishte një skenar si disa vende të tjera nga fqinjësia jonë juglindore që as nuk i filluan negociatat.
Në dy vitet e fundit, nuk ka pasur asnjë përparim edhe pse se ne kemi qenë jashtëzakonisht konstruktiv në bisedimet e pranimit me Malin e Zi. Ne besojmë se përparimi i mëtejshëm i Malit të Zi në negociatat e pranimit duhet të shoqërohet me përparim konkret në zgjidhjen e çështjeve të hapura”, tha Plenkovic.
Në javët e fundit, Komisioni Evropian ka marrë pjesë në bisedimet midis dy vendeve dhe disa shtete anëtare kanë punuar për të parandaluar ngecjen e zgjerimit për shkak të çështjeve dypalëshe.
Mosmarrëveshjet rrjedhin kryesisht nga trashëgimia e luftërave jugosllave të fillimit të viteve 1990, duke përfshirë pretendimet për prona dhe kontestim i kufijve.
Zagrebi po ashtu thekson se hetimi i krimeve të luftës dhe dëmshpërblimi i viktimave janë objektiva që Podgorica duhet që të përmbushë për të arritur anëtarësimin në BE.
Një sërë zgjedhjesh janë planifikuar në shtetet kryesore anëtare vitin e ardhshëm, përfshirë Francën, ku udhëheqësja e ekstremit të djathtë Marine Le Pen, tradicionalisht një skeptike ndaj zgjerimit të BE-së, është favoritja për të fituar garën presidenciale.
Pranimi i Malit të Zi vjen gjithashtu në një sfond më të gjerë gjeopolitik.
Meqenëse Podgorica është e para në radhë, një përçarje e shkaktuar nga ato që disa i konsiderojnë si çështje dypalëshe pa rëndësi mund të ketë një efekt shkatërrues tek “favoritët” e tjerë, Shqipëria, Moldavia dhe Ukraina.
Presidenti rus, Vladimir Putin, ka propozuar zhvillimin e një takimi trepalësh me presidentin amerikan, Donald Trump, dhe presidentin kinez, Xi Jinpin...
