Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Hamasi i përgjigjet Trumpit: Jo ne, por Netanyahu është penguesi i vetëm i paqes!
PiranjatPërditësimi i fundit 23 Shtator 2025, 22:23
Hamasi ka reaguar pas fjalimit që mbajti këtë të martë presidenti amerikan Donald Trump në Asamblenë e Përgjithshme të OKB-së, ku ky i fundit e akuzoi Hamasin si palën që refuzon marrëveshjet për armëpushim në Rripin e Gazës.
“Hamasi nuk ka qenë kurrë një pengesë për arritjen e një marrëveshjeje për armëpushim në Rripin e Gazës”, thuhet në një deklaratë të publikuar nga grupi palestinez. “Hamasi ka ofruar gjithë fleksibilitetin dhe gatishmërinë e nevojshme për ta arritur këtë qëllim“, shtohet më tej në reagim.
Grupi islamik fajëson kryeministrin izraelit Benjamin Netanyahu, duke e cilësuar atë si “penguesin e vetëm të të gjitha përpjekjeve për të arritur një marrëveshje”.
“Ne i bëjmë thirrje administratës amerikane që të mbrojë vlerat e drejtësisë dhe të ndërhyjë në mënyrë pozitive për ta detyruar qeverinë pushtuese terroriste që të ndalë krimet e saj të gjenocidit, spastrimit etnik dhe zhvendosjes së dhunshme ndaj popullit tonë palestinez, dhe të heqë mbështetjen politike dhe ushtarake për këtë luftë brutale”, përfundon deklarata e Hamasit.
Nga ana tjetër, Izraeli vazhdon t’i kujtojë botës për masakrat e kryera nga Hamasi më 7 tetor 2023, ku u vranë rreth 1 mijë e 200 izraelitë dhe rreth 250 persona u morën peng dhe u dërguan në Gaza.
Ministria e Shëndetësisë në Gaza, e cila operon nën autoritetin e Hamasit, raporton se të paktën 65 mijë e 382 palestinezë janë vrarë gjatë luftës që pasoi sulmet e Hamasit. Ministria nuk bën ndarje mes civilëve dhe luftëtarëve në këto statistika. Megjithatë, të dhënat e kësaj ministrie konsiderohen nga Kombet e Bashkuara dhe ekspertë të pavarur si një nga burimet më të besueshme për numrin e viktimave gjatë luftës.
