Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Sulmi me thikë në stacionin e trenit në Hamburg/ Dalin DETAJE të reja, 17 të plagosur, katër në gjendje kritike! Në pranga autorja, 39-vjeçarja veproi e vetme
E.DPërditësimi i fundit 23 Maj 2025, 22:11
GJERMANI- Detaje të reja janë zbuluar nga sulmi me thikë në stacionin e trenit në Gjermani. Sipas mediave të huaja të paktën 17 persona u plagosën nga sulmi. Gjithashtu policia njoftoi se katër nga 17 të plagosuri janë në gjendje kritike për jetën, ndërsa pjesa tjetër ka marrë lëndime të lehta.
Disa nga të lënduarit morën ndihmën e parë në tren, ndërsa të tjerët u dërguan menjëherë në spitale. Incidenti i përgjakshëm ndodhi në platformën 13/14, rreth orës 18:00. Ndërkohë një grua 39-vjeçare u ndalua në vendngjarje dhe u arrestua nga policia. Autoritetet dyshojnë për një incident i izoluar dhe se gruaja veproi e vetme.
Megjithatë ende nuk është zbuluar asgjë rreth identitetit të gruas apo motivit të mundshëm. Stacioni kryesor i trenit i Hamburgut është një nga më të populluait në Gjermani, me mbi 500,000 njerëz që kalojnë në të çdo ditë. Pasditja e së premtes është një nga orët e pikut.
Një grua që ishte dëshmitare e sulmit i tha Abendblatt: “Për fat të mirë, nuk mbaja kufje, kështu që i dëgjova të gjithë duke bërtitur. Pastaj të gjithë ikën me vrap.”
