Një anëtar i Kongresit federal të Meksikës është gjetur i vdekur me një plagë të shkaktuar nga arma e zjarrit n&eum...
BOTA
Ish-deputeti i PD i bashkohet ekipit të Vjosa Osmanit, emërohet Këshilltar për Politikën e Jashtme
PiranjatPërditësimi i fundit 2 Shtator 2025, 12:51
Ish-deputeti i Partisë Demokratike, Kreshnik Çollaku, njoftoi se pas largimit nga Parlamenti i Shqipërisë do të nisë një kapitull të ri në karrierën e tij politike, duke iu bashkuar ekipit të Presidentes së Kosovës, Vjosa Osmani.
Çollaku ka marrë nënshtetësinë e Kosovës pak ditë më parë, duke i hapur rrugë angazhimit të tij të ri në institucionin më të lartë të shtetit të Kosovës.
Përmes një njoftimi publik, ai u shpreh: “Të dashur miq, me kënaqësi dhe krenari kam pranuar ftesën e Presidentes së Kosovës, Vjosa Osmani, për t’u bërë pjesë e ekipit të saj në pozicionin e Këshilltarit për Politikë të Jashtme.”
Çollaku shtoi se angazhimi i tij në Kosovë përbën një hap të rëndësishëm në përkushtimin e tij për çështjen kombëtare shqiptare. “Dëshira dhe vullneti im për t’i shërbyer Kosovës si pjesë thelbësore e çështjes kombëtare shqiptare, me këtë angazhim merr një dimension e mundësi të re, për të cilën i jam mirënjohës e falënderues Presidentes Osmani për besimin dhe vlerësimin,” – shkroi ai.
Çollaku theksoi gjithashtu se ky rol i ri do t’i mundësojë të qëndrojë mes Tiranës dhe Prishtinës, me të njëjtin angazhim politik dhe vullnet për të kontribuar në integrimin e interesave kombëtare dhe shtetërore të të dy vendeve.
