Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Izraeli: Operacioni në Rafah do të përfundojë për 2 javë
E.DPërditësimi i fundit 15 Qershor 2024, 11:48
GAZA- Zyrtarët izraelitë të sigurisë thonë se operacioni ushtarak i ushtrisë në Rafah do të përfundojë brenda dy javësh. Transmetuesi publik KAN citoi zyrtarë të lartë të sigurisë të cilët vlerësuan se operacioni në Rripin jugor të Gazës nuk do të zgjasë më shumë se dy javë për tu përfunduar. Gjithashtu ata shtuan se lufta izraelite në Gaza është afër fundit të fazës së saj të dytë dhe ka nevojë për të ndërmarrë hapa të rinj, përndryshe operacioni ushtarak do të kthehet nga sukses në dështim.
Më 6 maj, ushtria izraelite pushtoi Rafah, një qytet i vogël në skajin jugor të Gazës, pavarësisht paralajmërimeve ndërkombëtare. IDF gjithashtu kapi anën palestineze të kalimit kufitar Rafah, një rrugë jetike për ndihmën humanitare në Gaza, duke përkeqësuar kushtet tashmë të vështira humanitare në territor.
Zyrtarët e sigurisë vunë në dukje se ushtria do të mbajë kontrollin pas përfundimit të operacionit ushtarak në Gaza mbi zonën e Korridorit Netzarim, të krijuar nga ushtria izraelite në Gazën qendrore për të ndarë Gazën veriore nga pjesët jugore, dhe mbi kalimin e Rafahut dhe zonën e Korridorit Filadelfi. Afro 37,300 palestinezë janë vrarë që prej fillimit të luftës në Gaza, shumica prej tyre gra dhe fëmijë, dhe më shumë se 85,000 të tjerë janë plagosur, sipas autoriteteve lokale shëndetësore.
