Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Jepet Çmimi Nobel në Ekonomi, fitues janë tre persona
PiranjatPërditësimi i fundit 13 Tetor 2025, 12:27
Në Stokholm, sapo është ndarë Çmimi i Bankës së Suedisë në Shkencat Ekonomike, i njohur zakonisht si "Çmimi Nobel" i ekonomisë.
Çmimi në fjalë iu dha izraelito-amerikanit Joel Mokyr, francezit Philippe Aghion dhe kanadezit Peter Hoëitt për studimin e tyre që shpjegon " rritjen ekonomike të nxitur nga inovacioni ".
Tre akademikë nga të dy anët e Atlantikut do të ndajnë Çmimin Nobel në Ekonomi 2025 për punën e tyre mbi rolin e inovacionit në gjenerimin e rritjes ekonomike.
Joel Mokyr nga Universiteti Northwestern, Philippe Aghion nga London School of Economics dhe INSEAD në Paris, si dhe Peter Howitt nga Universiteti Brown, po vlerësohen “për teorinë e rritjes së qëndrueshme përmes shkatërrimit krijues”, tha në një deklaratë të hënën Akademia Mbretërore Suedeze e Shkencave në Stokholm.
“Jam ende pa fjalë,” tha Aghion në një reagim të parë përmes telefonit gjatë konferencës për shtyp, pasi u njoftua për çmimin. Mokyr do të marrë gjysmën e çmimit prej 11 milionë koronash suedeze (rreth 1.2 milionë dollarë amerikanë), ndërsa Aghion dhe Howitt do të ndajnë pjesën tjetër.
Çmimi, i njohur zyrtarisht si Çmimi i Bankës së Suedisë në Shkencat Ekonomike në kujtim të Alfred Nobelit, u themelua në vitin 1968 nga Banka Qendrore e Suedisë.
Ai plotëson serinë e çmimeve vjetore për arritje në fizikë, kimi, mjekësi, letërsi dhe paqë, të cilat u krijuan me testamentin e Alfred Nobelit – shpikësit suedez të dinamitit, i cili vdiq në vitin 1896.
Vitin e kaluar, çmimi iu dha tre ekonomistëve — Daron Acemoglu, Simon Johnson dhe James A. Robinson — për kërkimet e tyre mbi arsyet pse disa vende janë të pasura e të tjera të varfra, duke treguar se shoqëritë më të lira dhe më të hapura kanë më shumë gjasa të zhvillohen.
Ky çmim njihet zyrtarisht si “Çmimi i Bankës së Suedisë për Shkencat Ekonomike në Kujtim të Alfred Nobel”. Ai u themelua në vitin 1968 nga banka qendrore suedeze, si një homazh për Alfred Nobel-in, biznesmenin dhe kimistin e shekullit XIX që shpiku dinamitin dhe krijoi pesë çmimet origjinale Nobel.
Që prej asaj kohe, çmimi është dhënë 56 herë dhe ka shpërblyer gjithsej 96 laureatë. Vetëm tre prej tyre kanë qenë gra.
