Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
"Kanadaja nuk do të bëhet kurrë shtet i SHBA-së," kryeministri Carney: Takimi me Trump javën e ardhshme nuk do të jetë i lehtë!
n.fPërditësimi i fundit 2 Maj 2025, 19:13
KANADA- Kryeministri kanadez, Mark Carney konfirmoi se do të udhëtojë për në Uashington të martën e ardhshme për takimin e tij të parë me Presidentin e Shteteve të Bashkuara Donald Trump. Në krye të axhendës së tij janë tarifat tregtare dhe natyra e përgjithshme e marrëdhënieve dypalëshe.
"Qëllimi im ka qenë gjithmonë t'i ngre këto çështje drejtpërdrejt", tha Carney, duke theksuar se ai kërkon të diskutojë si çështjet urgjente të tarifave, ashtu edhe drejtimin afatgjatë të marrëdhënieve Kanada-SHBA.
Kur një gazetar e pyeti nëse Presidenti Trump nënkuptoi, gjatë telefonatës së tyre të fundit, se Kanadaja duhet të bëhet shteti i 51-të i Shteteve të Bashkuara Carney u përgjigj kategorikisht: "Jo, ai nuk e tha këtë."
Kur u pyet nëse mendonte se administrata Trump po tregonte respekt ndaj Kanadasë, Carney u përgjigj se gjithmonë duhet të bëhet dallimi midis dëshirës dhe realitetit.
"Mundësia që Kanadaja të bëhet shtet i Shteteve të Bashkuara nuk do të ndodhë kurrë. Do të luftoj për marrëveshjen më të mirë për Kanadanë," tha ai. Carney pranoi se takimi i tij me Trump nuk do të jetë i lehtë.
“Nuk pretendoj se bisedimet do të jenë të lehta… Do të luftoj për marrëveshjen më të mirë të mundshme për Kanadanë”, tha ai.
Kur u pyet nëse pret negociata me mirëbesim në Uashington, duke pasur parasysh deklaratat e përsëritura të Trumpit në lidhje me "shtetin e 51-të", Carney shmangu parashikimet, duke vënë thjesht në dukje se nga takimi nuk duhet të pritet "tym i bardhë".
