"Kievi nuk dëshiron të heqë dorë nga pushteti"/ Putin i prerë: Ata do të zvarritin përgjithmonë bisedimet e armëpushimit

Vladimir Putin

UKRAINË- Presidenti i Rusisë Vladimir Putin ka deklaruar se kërkesa e Ukrainës për tërheqjen e trupave ruse është krijuar për të përjetësuar konfliktin, sepse kjo është mënyra e vetme që qeveria aktuale e Kievit të qëndrojë në pushtet. Putin pas takimeve të tij në Vietnamit ditën e sotme dha një konferencë shtypi në Hanoi, ku foli për konfliktin në Ukrainë. Sa i përket përpjekjeve për të larguar trupat ruse nga Kharkovi, Putin tha se urdhrat e Kievit për të arritur një fitore në fushën e betejës me çdo kusht do t’i kushtojnë edhe një herë Ukrainës shtrenjtë.

“Nëse negociatat janë të lidhura me tërheqjen e trupave tona, për të cilën ëndërron regjimi i Kievit, atëherë kjo nuk do të ndodhë kurrë. Për shkak se Kievi nuk dëshiron të heqë dorë nga pushteti, nuk dëshiron të mbajë zgjedhje normale sipas kushtetutës së Ukrainës, ata do të zvarritin përgjithmonë bisedimet e armëpushimit. Kjo do të thotë se Kievi ka interes që trupat tona të mbeten atje, sepse ata nuk duan të mbajnë zgjedhje," tha putin para gazetarëve. 

vladimir putin