Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
"Kina dëshiron një marrëveshje si ne"/ Tarifat doganore, Trump: Ata që nuk prodhojnë makina në SHBA do të masakrohen!
E.DPërditësimi i fundit 30 Prill 2025, 08:28
SHBA- Presidenti amerikan Donald Trump, teksa po udhëtonte për në Michigan për të festuar 100 ditët e para në detyrë, lehtësoi tarifat në sektorin e automobilave dhe njoftoi një marrëveshje të mundshme me Indinë. Shtëpia e Bardhë e justifikon vendimin me nevojën për të lehtësuar prodhuesit dhe për t'u dhënë atyre më shumë kohë për të rikthyer fabrikat në Shtetet e Bashkuara.
Gjithashtu Trump bëri një shfaqje optimizmi dje, duke njoftuar se negociatat me Indinë po shkojnë shumë mirë, do të arrijmë një marrëveshje. Ndërsa më herët ai kishte nënshkruar një dekret të ri që i përjashtonte prodhuesit e makinave nga pagesa e tarifave të dyfishta. Dhe pastaj në ABC ai u kthye duke kërcënuar Kinën duke thënë se ajo meriton tarifa prej 145%.
Në thelb, nëse ata tashmë i nënshtrohen tarifave prej 25% të vendosura për importet e makinerive dhe pjesëve nga jashtë, nuk do të duhet të zbatojnë tarifat për mallra të tilla si alumini dhe çeliku. Ata do të jenë në gjendje të kërkojnë një rimbursim, i cili do të jepet me përqindje të ndryshueshme nga viti në vit.
Për më tepër, nëse përdorin pjesë që zbatojnë dispozitat e marrëveshjes USMCA, e cila rregullon tregtinë midis Shteteve të Bashkuara, Meksikës dhe Kanadasë, ata nuk do t'i nënshtrohen asnjë mase. Trump, në fjalimin e tij në Michigan, paralajmëroi se prodhuesit e makinave do të masakrohen nëse nuk i kthejnë fabrikat në SHBA:
“Po u japim kohë ta bëjnë këtë. Ne e duam Japoninë, por duam që makinat të prodhohen këtu. Sa i përket Kinës, ne do të bëjmë një marrëveshje të drejtë tregtare. Pekini dëshiron të bëjë një marrëveshje, ne duam të bëjmë një marrëveshje", tha Trump.
Ndërsa sekretari i Thesarit Bessent tha se presidenti tregon angazhimin e tij për të rikthyer prodhimin në SHBA.
“Ne duam t’u japim prodhuesve të automjeteve një mënyrë për ta bërë këtë shpejt dhe me efikasitet, duke krijuar njëkohësisht sa më shumë vende pune të jetë e mundur," tha ai.
Votuesit amerikanë duket se janë të bindur gjithashtu, pasi vlerësimi i miratimit të Trump ka rënë në 39%, niveli më i ulët në 80 vjet pas 100 ditëve të tij të para në detyrë dhe ai duhet të ndërmarrë veprime.
