Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
BOTA
Komentet për Charli Kirk, pezullohet emisioni "Jimmy Kimmel”/ Trump kërcënon gazetarët e NBC-së
PiranjatPërditësimi i fundit 18 Shtator 2025, 09:10
ABC ka pezulluar për një kohë të pacaktuar emisionin "Jimmy Kimmel LIVE” për shkak të komenteve të tij për vrasjen Charlie Kirk.
Vendimi i ABC për të hequr këtë emision nga transmetimi erdhi disa orë pasi Kryetari i Komisionit Federal të Komunikimeve, Brendan Carr, tha në një podcast se FCC mund të ndërmarrë veprime për të revokuar licencat e degës së ABC-së, si një mënyrë për të detyruar Disney-n, kompaninë mëmë të ABC-së, të ndëshkojë Kimmel.
Teksa, Presidenti i SHBA-ve, Donald Trump e quajti këtë veprim “lajm të shkëlqyer për Amerikën” dhe përgëzoi ABC-në për “guximin” e tyre në një postim në rrjetet sociale.
“Kështu mbeten vetëm Jimmy dhe Seth, dy humbës të plotë, në Fake News NBC,” shtoi ai, në një kërcënim të dukshëm ndaj emisioneve të moderatorëve të natës vonë të NBC, Jimmy Fallon dhe Seth Meyers, dhe dy muaj pas anulimit të emisionit të Stephen Colbert.
ABC gjithashtu i bëri thirrje Kimmel t'i kërkojë falje familjes së Kirk dhe të bëjë një "dhurim personal domethënës për familjen Kirk dhe Turning Point USA".
"Pavarësisht planeve të ABC-së për të ardhmen e programit, Sinclair ka ndërmend të mos e rikthejë 'Jimmy Kimmel Live!' në transmetimet tona derisa të jemi të sigurt se janë ndërmarrë hapa të përshtatshëm për të mbështetur standardet e pritura nga një platformë kombëtare transmetimi", tha Sinclair.
Gjatë monologut të tij të hënën, Kimmel sugjeroi se aleatët e Presidentit Trump po përpiqeshin ta përdornin vrasjen e Kirk për përfitime politike.
"Gjetëm disa nivele të reja uljeje gjatë fundjavës, me bandën MAGA që përpiqej ta karakterizonte këtë djalë që vrau Charlie Kirk si çdo gjë tjetër përveç njërit prej tyre, dhe duke bërë gjithçka që mundnin për të fituar pikë politike nga kjo", tha Kimmel.
