Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
BOTA
Kupa e Botës rrit kërkesën për eskorta në Nju Jork, punonjëset e s*ksit zbulojnë kërkesat e pazakonta nga tifozët
PiranjatPërditësimi i fundit 30 Maj 2026, 17:58
Ndërsa miliona tifozë nga e gjithë bota po përgatiten të mbërrijnë në Nju Jork dhe Nju Xhersi për ndeshjet e Kupës së Botës 2026, por jo vetëm hotelet dhe bizneset lokale po përfitojnë nga fluksi i vizitorëve.
Sipas mediave amerikane, edhe industria e eskortës po përjeton një rritje të ndjeshme të kërkesës, me punonjëse seksi që raportojnë rezervime të shumta dhe klientë të rinj përpara nisjes së turneut.
Në të njëjtën kohë, autoritetet po shtojnë masat e sigurisë për të parandaluar rastet e trafikimit të qenieve njerëzore gjatë aktivitetit sportiv.
Eskortat po përjetojnë një rritje të ndjeshme të rezervimeve përpara mbërritjes së rreth 1.2 milionë tifozëve nga e gjithë bota, të cilët pritet të ndjekin ndeshjet në stadiumin MetLife. Arena do të presë tetë ndeshje duke filluar nga 13 qershori, përfshirë edhe finalen e madhe më 19 korrik.
Një eskortë nga Bruklini, e cila foli në kushte anonimiteti për New York Post, tha se tarifat e saj mund të arrijnë deri në 10 mijë dollarë për një ditë të plotë shërbimesh dhe se ka parë një rritje të ndjeshme të kërkesave që përkojnë me kalendarin e ndeshjeve të Kupës së Botës në zonën Nju Jork-Nju Xhersi.
"Kam marrë shumë kërkesa nga klientë të rinj," tha 31-vjeçarja, e cila ofron shërbime të specializuara me tarifa që arrijnë deri në 800 dollarë në orë.
Sipas saj, profilet e saj online kanë regjistruar trefish më shumë ndërveprime gjatë muajit maj, ndërsa është rritur ndjeshëm edhe interesi nga çiftet.
"Zakonisht marr vetëm një kërkesë të re në muaj nga çifte. Gjatë muajit të fundit kam marrë 25 kërkesa," u shpreh ajo.
Edhe pse ka klientë të rregullt, ajo tha se është e gatshme të pranojë oferta nga turistët që do të vizitojnë qytetin për Kupën e Botës, nëse çmimi është i përshtatshëm.
"Paratë kanë rëndësi. Nëse dikush ofron çmimin e duhur për një shërbim që jam e interesuar ta ofroj, sigurisht që do ta bëja," tha ajo.
Ndërkohë, një eskortë tjetër nga Nju Xhersi, e njohur me pseudonimin "Spice V", deklaroi se tashmë ka marrë disa parapagime prej 3 mijë dollarësh nga turistë që planifikojnë të ndjekin ndeshjet.
"Qershori po mbushet shumë shpejt. Pres një periudhë shumë të ngarkuar sapo klientët të mbërrijnë," tha ajo.
Sipas Spice, ajo ka siguruar tashmë klientë nga vende të ndryshme, përfshirë Britaninë e Madhe dhe shtete të tjera amerikane.
Megjithatë, ndërsa sektori i eskortës po përgatitet për fluksin e tifozëve, autoritetet amerikane po paralajmërojnë për rrezikun e shtimit të rasteve të trafikimit të qenieve njerëzore.
"Krahas shqetësimeve për sigurinë, terrorizmin, vjedhjet apo mashtrimet, ekziston edhe një krim tjetër që lulëzon gjatë aktiviteteve të mëdha – trafikimi i qenieve njerëzore," deklaroi Andrew Caggiano, president i Shoqatës së Shefave të Policisë së Nju Xhersit.
Për të parandaluar aktivitetet kriminale, Policia Shtetërore e Nju Xhersit do të angazhojë rreth 1,200 efektivë gjatë aktiviteteve zyrtare dhe jozyrtare të Kupës së Botës.
Edhe Departamenti Amerikan i Thesarit, përmes Rrjetit për Luftimin e Krimeve Financiare (FinCEN), ka paralajmëruar se turneu mund të krijojë kushte që trafikantët të përfitojnë nga rritja e aktivitetit ekonomik dhe numri i madh i vizitorëve.
Autoritetet lokale kanë deklaruar se prej muajsh po përgatisin masa shtesë sigurie për të mbrojtur si turistët ashtu edhe banorët e zonës gjatë zhvillimit të një prej ngjarjeve më të mëdha sportive në botë./Përktheu Piranjat News, marrë nga The New York Post
