Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Lavrov: Rusia mund të rifillojë provat me armë bërthamore
PiranjatPërditësimi i fundit 9 Nëntor 2025, 08:40
Ministri i Jashtëm rus Sergej Lavrov konfirmoi sot (08.11.) se po punohet për të përmbushur urdhrin që dha Presidenti Vladimir Putin javën e kaluar për të përgatitur propozime për një provë të mundshme armësh bërthamore ruse.
Agjencisë shtetërore të lajmeve TASS e citon Lavrovin me fjalët: “Sa i përket udhëzimit të Presidentit Vladimir Putin në takimin e Këshillit të Sigurimit më 5 nëntor, ai është pranuar për zbatim dhe ndërkohë po punohet për të. Publiku do të informohet për rezultatet.”
Përgjigje ndaj deklaratës së Trumpit
Urdhri i Putinit erdhi si përgjigje ndaj njoftimit të papritur që bëri javën e kaluar Presidenti Donald Trump, sipas të cilit SHBAdo të rifillojë provat me armë bërthamore, për herë të parë kjo pas tri dekada.
Lavrovi i tha agjencisë së lajmeve TASS se Rusia nuk kishte marrë asnjë sqarim nga SHBA-të lidhur me urdhrin e Presidenti Donald Trump, që ushtria amerikane të rifillojë testet bërthamore.
Trumpi shkroi në platformën e tij Truth Social: “Për shkak të vendeve të tjera që testojnë programe armatimesh, unë kam udhëzuar Departamentin e Luftës që në mënyrë të barabartë të fillojë testimin e armëve tona bërthamore. Ky proces do të fillojë menjëherë.”/DW
