Një tjetër vatër zjarri është regjistruar gjatë natës në fushën e Lazaratit, pranë pompës së ujit....
BOTA
Ligji në Spanjë kufizon alkoolin, kush shkel rregullat do të gjobitet nga 500 deri në 1500 euro
e. dPërditësimi i fundit 11 Maj 2024, 12:19
foto ilustruese
SPANJA- Pushimet e mbushura me alkool dhe festat e shfrenuara në ishujt Ishujt Balearik të Spanjës nuk do të jenë më si parë. Qeveria njoftoi se ka hyr në fuqi vendimi për ndalimin e pijeve alkoolike në rrugë dhe kufizimi i varkave festive. Gjithashtu njoftuan se ashpërsimi ligjit të miratuar në vitin 2020 do të zbatohet për pikat e nxehta turistike duke përfshirë Playa de Palma, Magaluf në Majorca dhe Sant Antoni në Ibiza.
Sipas ligjit personat e kapur duke pirë jashtë zonave të autorizuara do të gjobiten nga 500 deri në 1500 euro, ndërsa masat ndaj turistëve të huaj do të raportohen në ambasadat përkatëse. Gjithashtu urdhri ndalon dyqanet të shesin alkool pas orës 21:30 deri në 08.00. Sipas rregullave të reja, anijet që organizojnë party e kanë të ndaluar të afrohen më shumë se 1 milje në breg, dhe njësojë si më parë nuk lejohen as të zbresin apo marrin pasagjerë.
Ndërsa zyrtarët vlerësuan se masat do të frenojë sjelljen anti-sociale dhe do të ndryshojnë modelin e turizmit në ato destinacione. Ishujt Balearik të Spanjës ishin të parët në Evropë që në 2020 kufizuan alkoolin në zona të caktuara, por disa vendas u ankuan do të dëmtoheshin bizneset. Megjithatë autoritetet kanë paralajmëruar se një komision për Promovimin e Qytetërimit në Zonat Turistike do të zgjerohet për tu fokusuar në vende si Gjermania apo Mbretëria e Bashkuar, turistët e të cilave konsiderohen si më problematikë.
