Lufta në Ukrainë/ Zelensky kërkon më shumë sisteme për mbrojtje ajrore: Është kritike!

Zelensky

UKRAINË- Presidenti ukrainas, Volodymyr Zelensky ka thënë më 24 nëntor se shtetit të tij “i duhen më shumë sisteme për mbrojtje ajrore”, për t’i mbrojtur njerëzit e vet, teksa Rusia vazhdon të shënjestrojë Ukrainën me bomba ajrore, dronë luftarakë dhe raketa.

“Mbrojtja më e fuqishme e qiejve tanë është absolutisht kritike”, ka thënë Zelensky, duke shtuar se Kievi është duke “punuar aktivisht” me partnerët për përmirësim të mbrojtjes ajrore të shtetit.

Rusia ka nisur më shumë se 800 bomba ajrore, ka kryer rreth 460 sulme me dronë dhe rreth 20 raketa të llojeve të ndryshme kundër Ukrainës, vetëm javën e kaluar, sipas Zelenskyt.

Si Ukraina, ashtu edhe Rusia, kanë raportuar më 24 nëntor se kanë zmbrapsur disa sulme me dronë përgjatë natës.

Nuk ka raportime për të plagosur në asnjërën palë.

Serhiy Popko, udhëheqës i administratës ushtarake të Kievit, ka thënë se alarmi ajror ka zgjatur më shumë se tri orë dhe që dronët “kanë lëvizur në drejtime të ndryshme” të qytetit.

Forcat ukrainase patën kryer një inkursion të befasishëm në rajonin rus, Kursk, në gusht, duke marrë kontrollin e 1.400 kilometrave katrorë.

Mirëpo një burim i ushtrisë ukrainase ka thënë se Kievit tani ka humbur 40 për qind të territorit që kontrollonte në Kursk.

Shtetet e Bashkuara dhe Mbretëria e Bashkuara raportohet t’i kenë dhënë leje Ukrainës për të goditur thellë në Rusi me sistemet ATACMS dhe raketat Storm Shadow, respektivisht.

Raketat janë armë taktike precize të dizajnuara të godasin qendra, logjistikë dhe depo armësh rreth frontit të luftës.

Ukraina veçse i ka përdorur këto armë për të kryer sulme në Kursk dhe rajonin fqinj, Belgorod.

Edhe Franca u është bashkuar SHBA-së dhe Britanisë, duke sinjalizuar se Ukraina mund t’i përdorë armët me rreze të gjatë kundër shënjestrave në territorin rus.

Ministri i Jashtëm francez, Jean-Noel Barrot, ka thënë në një intervistë për transmetuesin britanik BBC se Ukraina mund të lëshojë raketa franceze me rreze të gjatë në Rusi, “për vetëmbrojtje”.

Megjithatë, ai nuk e ka konfirmuar nëse armët franceze janë përdorur tashmë.

Rusia, në anën tjetër, e ka dënuar ashpër përdorimin e këtyre armëve nga ana e Rusisë, dhe është zotuar se do të kryejnë sulme me raketa të avancuara, si dhe e ka përditësuar doktrinën bërthamore.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL

ukraine volodymyr zelenskyy lufta ukraine-rusi

Artikuj te sugjeruar

r.ll BOTA 24 Nëntor13:09

FOTOLAJM/ Stuhia "Bert" sjell përmbytje masive në Uells, rrugët dhe makinat të mbuluara nga uji

pamje nga permbytjet BRITANI- Stuhia “Bert” prej ditës së djeshme ka shkaktuar probleme në mbarë Britaninë d...

ZH.LL BOTA 24 Nëntor12:16

Vizita e parë zyrtare/ Sekretari i Përgjithshëm i NATO-s, Mark Rutte do të vizitojë të hënën Turqinë

Rutte dhe Erdogan BRUKSEL- Sekretari i Përgjithshëm i NATO-s Mark Rutte do të udhëtojë në Ankara të hënën p&eu...

ZH.LL BOTA 24 Nëntor12:10

E rëndë në Peru/ Autobusi u përplas me një furgon dhe përfundoi në greminë, të paktën 7 të vdekur dhe 30 të plagosur

autobusi ne gremine PERU- Një aksident i rëndë ka ndodhur të shtunën në rajonin e San Martin në veri të Perusë...

ZH.LL BOTA 24 Nëntor10:48

Mijëra azilkërkues të refuzuar morën para për t'u larguar nga Gjermania! Deri në fund të tetorit, u larguan rreth 8,263 njerëz

emigrantet ne Gjermani GJERMANI- Mijëra njerëz, të tillë si ata me kërkesa të refuzuara për azil ose me mundësi t&e...

ZH.LL BOTA 24 Nëntor10:41

Stuhi të forta, borë dhe akull shkaktojnë kaos në Irlandë, Britani të Madhe dhe Francë! Anulohen disa udhëtime

mot me debore BRITANI- Moti i keq me reshje dëbore dhe me stuhi të forta ka përfshirë Europën veriperëdimore, ka shkaktuar ka...

r.ll BOTA 24 Nëntor10:19

Gjendet i pajetë shtetasi izraelit në Emiratet Arabe/ Zyra e Netanyahut: Izraeli do të kërkojë drejtësi për vdekjen e tij në një akt terrorist antisemitik

zvi kogan IZRAEL- Është gjetur trupi i pajetë një personi me shtetësi izraelito-moldave, i cili u zhduk në Abu Dhabi, tha Izr...

r.ll BOTA 24 Nëntor10:07

REL: Rikthehen polemikat dhe mosmarrëveshjet për Ballkanin e Hapur

foto ilustruese SHKUP- Pjesëmarrja e kryeministrit të Maqedonisë së Veriut, Hristijan Mickoski, në Panairin ndërko...

r.ll BOTA 24 Nëntor09:33

Rumania mban zgjedhjet presidenciale

foto ilustruese RUMANI- Rumunët janë duke votuar të dielën në rundin e parë të zgjedhjeve presidenciale, të cilat m...

r.ll BOTA 24 Nëntor09:05

Liderët botërorë në COP29 arrijnë marrëveshjen e re klimatike: Vendet e pasura do të ofrojnë 300 mld dollarë për vendet në zhvillim deri në 2035

foto ilustruese BAKU- Liderët botërorë ranë dakord për një marrëveshje të re klimatike në COP29 në B...

r.ll BOTA 24 Nëntor08:18

"Trumpi hesht, Ukraina debaton"/ Analiza e DW: Presidenti i zgjedhur i SHBA ende pa një plan për ndalimin e luftës me Rusinë

zelensky, trump SHBA- Donald Trump,  fituesi i zgjedhjeve presidenciale në SHBA,  nuk ka paraqitur ende një plan zyrtar për t...