Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
Maqedonia e Veriut ratifikon marrëveshje bashkëpunimi me Britaninë për investime deri në 6 miliardë euro
n.fPërditësimi i fundit 28 Maj 2025, 23:10
SHKUP- Parlamenti i Maqedonisë së Veriut miratoi të mërkurën marrëveshjen e bashkëpunimit me Britaninë e Madhe lidhur me zbatimin e projekteve të investimeve në vend, shuma e të cilave mund të arrijë deri në 6 miliardë euro. 76 deputetë votuan pro ratifikimit të marrëveshjes ndërsa gjashtë votuan kundër saj.
Sipas qeverisë, kjo është një “marrëveshje historike”, ndërsa sipas opozitës, marrëveshja është e errët dhe norma e interesit nuk përmendet. Kryeministri i Maqedonisë së Veriut, Hrvatski Mickoski pas ankesave përkatëse, deklaroi se norma e interesit për kreditë që do të merren sipas marrëveshjes për financimin e projekteve të investimeve do të luhatet rreth 4.5%, duke sqaruar se do të përdoret vlerësimi kreditor AAA i Britanisë.
Sipas Mickoskit, norma e interesit është më e mira me të cilën vendi mund të marrë hua aktualisht në tregjet ndërkombëtare. Me marrëveshjen midis Maqedonisë së Veriut dhe Britanisë së Madhe, e para mund të marrë hua deri në 6 miliardë euro nga blerjet e garantuara nga shteti britanik.
Qeveria e Maqedonisë së Veriut ka deklaruar se paratë nga kredia janë të destinuara për investime në vend, në hekurudha, në sektorin e shëndetësisë, energji, arsim dhe mbrojtje të mjedisit. Sipas qeverisë së Maqedonisë së Veriut, gjatë pesë viteve të ardhshme vendi do të mbledhë afërsisht 2.2 miliardë euro nga kjo kredi për të financuar projekte që kanë kaluar fazën e realizimit, siç është rindërtimi i linjës hekurudhore Tabanovcë (në kufirin me Serbinë)-Gjevgjeli (në kufirin me Greqinë), kostoja e së cilës pritet të arrijë në afërsisht 2 miliardë euro.
Gjithashtu do të rindërtohen spitale në qytetet e Shtipit, Tetovës dhe Kërçovës, projekte të cilat do të kushtojnë afërsisht 200 milionë euro. Shuma e mbetur nga kredia prej 6 miliardësh euro mbeten në dispozicion të vendit, me kusht që më vonë të paraqesë plane investimi të përshtatshme për financim. Marrëveshja u nënshkrua më 22 maj në Londër nga përfaqësuesit e qeverive të të dy vendeve.
