Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
Masat kundër Kosovës. Bislimi: Dy-tre vende të BE kanë propozuar heqje graduale
E.DPërditësimi i fundit 19 Qershor 2024, 18:45
KOSOVË- Zëvendëskryeministri Besnik Bislimi ka thënë se dy-tre vende të Bashkimit Evropian kanë kërkuar heqje graduale të masave që janë të vendosura kundër Kosovës. Bislimi ka thënë gjithashtu se ka shtete brenda Unionit që i favorizojnë kërkesat e Serbisë për shkak se duan ta tërheqin nga Perëndimi.
“Ne shpresojmë që asnjë vend nuk do të ngrejë zërin që t’i kundërshtojë masat, për arsye se nuk ka pasur asnjë vend që është kundër heqjes së masave. Ka pasur dy-tri shtete që kanë preferuar heqje graduale të masave në dy shkallë, por jo që ka pasur të tillë, të cilët kanë qenë kundër heqjes së masave, por shumica absolute e vendeve besojnë se vendosja e masave ndaj Kosovës ka qenë e padrejtë, mosvendosja e masave ndaj Serbisë ka qenë padrejtësia shtesë që i është bërë Kosovës. Ka interesa të ndryshme të vendeve anëtare jo të gjitha i shtyjnë përpara interesat e BE-së ose edhe të Kosovës, por ka edhe të atillë që i favorizojnë disa kërkesa të Serbisë meqenëse besojnë se në këtë mënyrë mund ta tërheqin Serbinë drejt perëndimit. Por ky nuk është misioni jonë. Ne i gëzohemi sa herë Serbia merr vendime që e çojnë atë drejt perëndimit, por nuk është misioni jonë që ta kryejmë këtë”, tha ai.
