Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
BOTA
Mbytet nëndetësja turistike në brigjet e Egjiptit, dyshohet për 6 të vdekur dhe 9 të plagosur, shpëtohen 29 persona
n.fPërditësimi i fundit 27 Mars 2025, 12:25
EGJIPT- Gjashtë persona dyshohet se kanë humbur jetën ditën e sotme pasi një nëndetëse turistike u mbyt në brigjet e Egjiptit. Raportohet se nëntë të tjerë u plagosën, katër prej të cilëve janë në gjendje kritike.
Nëndetësja e quajtur Sindbad, e cila po kryente turne detar në brigjet e Hurghada, mbante gjithsej 44 pasagjerë. Deri më tani, shërbimet e shpëtimit kanë arritur të shpëtojnë 29 persona. Drejtoria e Sigurisë së Detit të Kuq ka marrë një raport për fundosjen e nëndetëses turistike, e ndodhur përpara marinës së një “hoteli të njohur”, emri i të cilit ende nuk është bërë i ditur nga mediat lokale.
Në vendngjarje janë dërguar 21 autoambulanca të cilat po transportojnë të plagosurit në spitalet lokale. 44 pasagjerët janë të kombësive të ndryshme dhe po merrnin pjesë në një ekskursion detar për të parë shkëmbinjtë koralorë dhe peshqit tropikal të Egjiptit.
Kjo nëndetëse e veçantë ka operuar rrugë turistike në Hurghada për disa vite. Sipas kompanisë Sharm Hurghada Excursions, turneu nënujor zgjat tre orë dhe kushton 81 euro për të rriturit dhe 42 euro për fëmijët. Deri më tani nuk janë konfirmuar apo bërë të ditur zyrtarisht shkaku dhe rrethanat e sakta të mbytjes.
