Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
BOTA
"Më kanë rrëmbyer fëmijën"/ Arrestohet nëna së bashku me 4 persona në Spanjë, shiti foshnjën e posalindur për 2 mijë euro, më pas u pendua
n.fPërditësimi i fundit 25 Prill 2025, 14:56
SPANJË- Një grua është arrestuar në Spanjë pasi shiti fëmijën e saj për 2000 euro një çifti që kishte probleme me fertilitetin, përpara se të pendohej dhe të përpiqej ta kthente. 37-vjeçarja u arrestua në mars në Mostoles, në periferi të Madridit. Çifti që mori foshnjën, si dhe dy nga të afërmit e tyre gjithashtu u arrestuan në Cordoba.
Nga hetimet paraprake u zbulua se nëna i shiti çiftit të porsalindurin për 2000 euro, por më pas “u pendua që e shiti vajzën” dhe kërkoi ta kthente. Çifti refuzoi pasi nëna nuk do të kthente çmimin e shitjes së foshnjës dhe as 1000 eurot që kishte shpenzuar për shpenzimet e saj të akomodimit për një muaj në Cordoba. Nëna biologjike kishte shkuar në qytetin ku ndodheshin blerësit për të sjellë në jetë fëmijën e saj atje.
Hetimi nisi kur 37-vjeçarja, tashmë nënë e gjashtë fëmijëve të tjerë, të cilëve iu hoq kujdestaria në vitin 2022 pas një raportimi të shërbimeve sociale për “neglizhencë”, ngriti një padi, duke pretenduar se një familje në Cordoba i kishte “rrëmbyer” foshnjën. Kujdesi për foshnjën iu besua një qendre për mbrojtjen e fëmijëve në këtë zonë.
