Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
"Më kërkoi numrin e telefonit!" Melania rrëfen takimin e parë me Donald Trump: Ishte i shoqëruar nga një grua tjetër kur nisi të flirtonte me mua
M.B.Përditësimi i fundit 9 Tetor 2024, 19:27
SHBA- Ish-zonja e Parë e SHBA-ve, Melania Trumo, në librin e saj të ri, ka kujtuar takimin e saj të parë me Donald Trump, teksa rrëfeu se ai ishte me një grua tjetër, por kur e pa (Melania-n) filloi të flirtonte me të. Sipas librit, e gjithë ngjarja ka ndodhur gjatë një feste të ‘Javës së Modës’ në vitin 1998. Melania tregon se Donald iu afrua asaj dhe mikut që ishte e shoqëruar dhe e përshëndeti.
“Përshëndetje. Unë jam Donald Trump, tha kur erdhi në tavolinën time”, shkruhet në një fragment të librit.
Sipas Melania-s, edhe pse e njihte, ajo nuk dinte asgjë për Donaldin, i cili zgjati dorën drejt saj dhe filloi të bisedonte. Edhe pse ishte një takim i shkurtër, Melania shprehet se Trump i la një përshtypje të mirë.
“Sytë e tij ishin mbushur me kuriozitet dhe interes. E shfrytëzoi rastin, u ul në tryezën time dhe filloi një bisedë. Më pyeti për kohën që kalova në New York, shtëpinë time në Slloveni dhe udhëtimet e mia nëpër botë. Që nga momenti që filloi biseda jonë, unë u mahnita nga sharmi dhe modestia e tij. Më bëri të ndihesha sikur isha në qendër të botës së tij. Kur ajo (gruaja që e shoqëronte) u largua për një moment, më kërkoi numrin e celularit”, shton Melania.
Ajo thotë se e refuzoi, gjë që e befasoi Donald. Në vend të kësaj, Melania i kërkoi t’i jepte numrin e tij, të cilin ai e pranoi me kënaqësi me një kusht.
“Do të të jap numrin tim nëse më premton se do të më telefonosh”, mësohet të ketë thënë Trump.
