Protesta kundër qeverisë hyn sot në ditën e saj të 57-të, ndërsa qytetarët pritet të mblidhen sërish në...
BOTA
Merz: Gjermania do të investojë 35 miliardë euro në arkitekturën e sigurisë hapësinore
PiranjatPërditësimi i fundit 4 Dhjetor 2025, 08:16
Kancelari gjerman Friedrich Merz ka njoftuar se qeveria do të investojë 35 miliardë euro në krijimin e një arkitekture të sigurisë hapësinore gjatë disa viteve.
Mertz e bëri këtë deklaratë në një konferencë për shtyp gjatë vizitës së tij në Berlin Space Technologies.
“Gjatë viteve të ardhshme, qeveria gjermane do të investojë gjithsej 35 miliardë euro në krijimin e një arkitekture sigurie hapësinore. Kjo nuk ka të bëjë vetëm me mbrojtjen, por edhe me inovacionin dhe ekspertizën tonë në këto teknologji”, theksoi Merz.
Ai gjithashtu vuri në dukje se Ministria e Kërkimit Shkencor, Teknologjisë dhe Hapësirës vepron në vend:
“Ne kemi një ministri të tillë dhe kemi krijuar marrëdhënie me industri, sektorë dhe kompani individuale. Përveç kësaj, ne do të investojmë edhe në teknologjitë e ardhshme për fluturimet hapësinore duke përdorur fonde publike”, tha kancelari gjerman.
Mertz kujtoi gjithashtu konferencën e Këshillit Ministror të Agjencisë Hapësinore Evropiane të mbajtur në Bremen në fund të nëntorit:
“Më shumë se 5 miliardë euro janë ndarë tani për projekte për fazën tjetër, gjë që tregon se ne e marrim këtë program jashtëzakonisht seriozisht dhe se po i shqyrtojmë aftësitë tona të sigurisë dhe mbrojtjes në këtë shkallë”, përfundoi Kancelari.
