Një incident është regjistruar në zonën pas stadiumit "Dinamo" në Tiranë, gjatë një aksioni të forcave "Shqi...
BOTA
Bisedimet në prapaskenë/ Ministri Iranian i ngriti zërin Kushnerit dhe Witkoffit. Si fjalia e Araqchit çoi në nisjen e sulmeve amerikane
PiranjatPërditësimi i fundit 2 Mars 2026, 20:06
Takimi mes delegacioneve të Shteteve të Bashkuara dhe Iranit në Gjenevë, ku në qendër të diskutimeve ishte programi bërthamor i Teheranit, u shoqërua me tensione të forta dhe përplasje verbale.
Sipas NBC News, ministri i Jashtëm iranian Abbas Araqchi ngriti zërin gjatë bisedimeve ndaj të dërguarit të posaçëm të presidentit amerikan Donald Trump, Steve Witkoff, si dhe ndaj dhëndrit të Trump, Jared Kushner, i pranishëm në takim.
Duke cituar një zyrtar të lartë, raporti thekson se Araqchi këmbënguli se Irani ka një “të drejtë të patjetërsueshme” për të pasuruar uranium dhe sfidoi palën amerikane të deklaronte nëse SHBA-të kishin një “të drejtë të patjetërsueshme” për ta ndaluar Iranin.
“Nëse preferoni, unë mund të iki”, mësohet t’i ketë thënë Witkoff ministrit iranian, ndërsa më pas delegacioni amerikan informoi presidentin Trump për zhvillimet. Sipas burimeve, kreu i Shtëpisë së Bardhë nuk e fshehu “turpin” dhe zhgënjimin për mënyrën si u zhvilluan bisedimet.
Vetëm disa orë më vonë, situata mori një kthesë dramatike. Në orën 02:30 të mëngjesit (me orën amerikane), Trump publikoi një video në rrjetet sociale ku njoftoi nisjen e “operacioneve të mëdha ushtarake” kundër Iranit.
Vendimi për të goditur Teheranin dhe për të synuar udhëheqjen iraniane erdhi pas negociatave të gjata, të cilat sipas presidentit amerikan përfunduan pa rezultat.
“Ata nuk ishin të gatshëm të ndalonin kërkimin e tyre bërthamor. Nuk ishin të gatshëm të thoshin se nuk do të pajiseshin me armë bërthamore. Shumë e thjeshtë”, deklaroi Trump.
Përplasja në Gjenevë duket se shënoi pikën e fundit të përpjekjeve diplomatike, duke hapur rrugën për përshkallëzimin e konfliktit mes dy vendeve. /PiranjatNews/
