Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
Misteri me tragjedinë e ndodhur nën ujë/ Familja e njërit prej viktimave padit "OceanGate": Ekuipazhi i nëndetëses "Titan" e dinin se do të vdisnin
r.llPërditësimi i fundit 8 Gusht 2024, 22:26
paul henri narzolet
SHBA- Familja e Paul-Henri Narzolet, një eksplorues francez me famë botërore dhe një nga njerëzit që vdiqën në bordin e nëndetëses turistike Titan, ka ngritur padi ndaj kompanisë OceanGate për neglizhencë, duke argumentuar se punonjësit e dinin se të gjithë pasagjerët do të vdisnin shumë shpejt përpara se të dekompresoheshin.
Më tej në padi theksohet se kompania, edhe pse kishte emëruar Narzolen si pjesëtar të ekuipazhit, i kishte fshehur problemet elementare të nëndetëses. Padia prej 50 milionë dollarësh (45.8 milionë euro) e ngritur nga familja e Narzole thotë se ekuipazhi përjetoi “terror dhe ankth mendor përpara katastrofës, duke fajësuar gjithashtu operatorin e nëndetëses për neglizhencë të madhe në kurriz të pasagjerëve", raportojnë mediat e huaja.
Paul-Henri Narzolet, i njohur edhe si "Zoti Titaniku" gjatë jetës së tij kishte marrë pjesë në 37 zhytje në zonën e fundosjes së anijes së famshme - më shumë se çdo zhytës në botë - përmendet në padi, ndërsa përmendet veçanërisht fakti se Narzole kishte shumë njohuri për nëndetëset, por edhe për vetë aksidentin.
Shumë fakte që kompania nuk i nxori kurrë "në dritë" në lidhje me nëndetësen
OceanGate nuk kishte zbuluar shumë fakte për anijen dhe qëndrueshmërinë e saj, por në padi thuhet se nëndetësja Titan rreth 90 minuta pas zhytjes, ekipi kishte abortuar ose tentuar të ndërpresë zhytjen.
“Edhe pse shkaku i saktë i dështimit mund të mos përcaktohet kurrë, ekspertët pajtohen se ekuipazhi i Titan e kishte kuptuar saktësisht se çfarë po ndodhte”, thuhet në padi.
Një zëdhënës i OceanGate nuk pranoi të komentojë mbi padinë, e cila u ngrit të martën, më 6 gusht, në King County, Uashington. Të pandehurit duhet t'i përgjigjen padisë në javët në vijim, thuhet në dokumentet e gjykatës. Padia kritikon gjithashtu "sistemin elektronik të sofistikuar, më të avancuar, pa tel" të Titan dhe thotë se asnjë nga kontrollet, apo matësat nuk do të funksiononte pa një burim të vazhdueshëm energjie dhe sinjal wireless.
Synimi për të dhënë përgjigje
Tony Buzbee, një nga avokatët në këtë çështje, tha se një nga qëllimet e padisë është "t'i ofrojë familjes përgjigje se si ndodhi saktësisht kjo, kush ishte i përfshirë të gjithë dhe si e lejuan të përfshirët të ndodhte kjo." Pas katastrofës, u ngritën shqetësime nëse Titan ishte i dënuar për shkak të dizajnit të tij jokonvencional dhe refuzimit të krijuesit të tij për t'iu nënshtruar inspektimeve të pavarura të zakonshme në industri. Rënia e tij ngriti gjithashtu pyetje në lidhje me qëndrueshmërinë dhe të ardhmen e eksplorimit privat në det të thellë.
Titan bëri zhytjen e tij të fundit më 18 qershor 2023, një mëngjes të dielën dhe humbi kontaktin me anijen e tij mbështetëse rreth dy orë më vonë. Pas një misioni kërkim-shpëtimi që tërhoqi vëmendjen mbarëbotërore, rrënojat e Titanit u gjetën në fundin e oqeanit rreth 300 metra larg harkut të Titanikut, rreth 700 kilometra në jug të St. John's, Newfoundland.
